اناؤ: بی جے پی کے سینئر لیڈر اور ممبر پارلیمنٹ ساکشی مہاراج نے بالی وڈ اداکارہ دیپکا پادوکون پر شدید طنز کسا ہے۔ ساکشی نے کہا ہے کہ جے این یو میں کنہیا کمار کے ساتھ کھڑے ہوتے ہوئے ان کی (دیپکا) روح روئی ہوگی۔ بتا دیں کہ دیپکا پادوکون حال ہی میں جے این یو طالب علموں کے ساتھ اظہار یکجہتی کے لئے گئیں اور ان کے ساتھ مظاہرے میں شامل ہوئیں۔ اداکارہ نے وہاں جے این یو ایس یو کی صدر آئشی گھوش سے بھی ملاقات کی ۔
اس دوران دیپکا سابق طلبہ یونین کے صدر کنہیا کمار کے ساتھ بھی کھڑی ہوئیں لیکن انہوں نے بغیر کچھ کہے خاموش احتجاج کیا۔ان کے اس قدم کو جہاں بہت سیلیبسںاور رہنماؤ ں نے سراہا، وہیں کچھ نے دیپکا کے اس قدم کو ملک کے خلاف قرار دیا ہے۔بھاجپا ایم پی ساکشی مہاراج نے بھی دیپکا پر متنازعہ بیان ن دیا ہے۔
ساکشی مہاراج نے دیپکا پر طنز کستے ہوئے کہا، 'جب وہ کنہیا کمار کے بغل میںکھڑی ہوئی ہوں گی تب ان کی آتما (روح) روئی ہوگی۔جب وہ اسٹیج پر گئی ہوگی تب انہیں لٹا سا محسوس ہوا ہوگا۔ انہیں اس وقت ملک کے ساتھ کھڑا ہونا چاہئے۔ انہوں نے کہا کہ ان کے علاوہ کچھ اور بھی اداکار ہیں جو ٹکڑے ٹکڑے گینگ کے ساتھ مل کر وزیر اعظم مودی کی مخالفت کر رہے ہیں'۔ساکشی مہاراج نے پہلے بھی دیپکا پر ٹکڑے ٹکڑے گینگ کا ممبر ہونے کا الزام لگایا تھا۔انہوں نے یہ بھی کہا تھا کہ ان کے پیچھے کچھ غیر ملکی بھی ہیں۔
جے این یو کیس کے بعد لوگوں نے دیپکا کی فلم 'چھپاک 'کو بین کرنے کی مانگ کی تھی۔اگرچہ بہت سے لوگ دیپکا کی حمایت میں نظر آئے۔لوگوں نے دیپکا کے اس یہ جرأت بھرے قدم کی تعریف بھی کی ہے۔ بتادیں کہ انکی فلم ' چھپاک10 جنوری کو (آج) ریلیز ہوئی ہے۔