جالندھر: پیاز کی قیمتوں کو لے کر پورے ملک میں لوگ پریشان ہو اٹھے ہیں۔جالندھر شہر میں پیاز کو لے کر عجیب سا معاملہ سامنے آیا ہے۔اس کی قیمت کو لے کر سبزی فروش اور خریدار میں تنازعہ ہو گیا۔اتنا ہی نہیں سبزی فروش نے پیاز خرید رہے میاں بیوی کو چاقو مار دیا۔یہ واقعہ 120 فٹی روڈ پر لگنے والی سبزی منڈی کا  ہے۔
 سول ہسپتال میں ایم ایل آر کٹوانے پہنچے بستی شیخ رہائشی منوج نے بتایا کہ وہ بیوی کلپنا کے ساتھ رات کو سبزی خریدنے منڈی گیا تھا۔وہاں پر سریندر نام کے سبزی فروش سے انہوں نے پیاز کی قیمت پوچھی ۔پیاز کے دام اس نے 80 روپے  کلو بتائے۔
جب انہوں نے کہا کہ دام 70 روپے فی کلو ہونا چاہئے تو سریندر کلپناسے لڑنے جھگڑنے لگا۔روکنے پر اس کے ساتھ بھی گالی گلوج کرنی شروع کر دی۔جب وہ وہاں سے جانے لگے تو سبزی بیچنے والے نے چاقو سے دونوں پر وار کر دیا۔واقعہ کی اطلاع تھانہ 5 کی پولیس کو دے دی گئی ہے۔فی الحال یہ پتہ نہیں چل پایا ہے کہ معاملے میں پولیس نے کیا کارروائی کی ہے۔