نئی دہلی : کانگرس کے سینئر لیڈر اور سابق وزیر اعظم منموہن سنگھ  نے الزام لگایاہے کہ وزیر اعظم نریندر مودی نے 6 سال پہلے ملک کی معیشت کو مضبوط کرنے کے جو وعدے کئے تھے ، انہیں پورا نہیں کیا ہے ۔ 
ڈاکٹر سنگھ نے سنیچر کے روز یہاں رام لیلا میدان پر کانگرس کی بھارت بچاؤ ریلی کو خطاب کرتے ہوئے کہا کہ مودی نے 2024 تک ملک کی معیشت کو پانچ کھرب ڈالر کی بنانے کے ساتھ ہی کسانوں کی آمدنی دو گنا کرنے اور ہر سال دو کروڑ لوگوں کے لئے روزگار کے وسائل پیدا کرنے کا وعدہ کیا تھا لیکن یہ وعدے جھوٹے ثابت ہوئے ہیں اور ملک کے عوام کو صرف گمراہ کیا گیا ہے ۔ 

انہوں نے مزید کہا کہ لوگ مودی حکومت کے وعدوں سے گمراہ ہونے کی بجائے اسے حقیقت کا آئینہ دکھانا چاہئے ۔ انہوں نے کہا،' اس کے لئے آج ضرورت ہے کہ آپ لوگ کانگرس صدر سونیا گاندھی اور راہل گاندھی کے ہاتھ مضبوط کریں تاکہ  ملک کو آگے لے جایا سکے ۔ سابق وزیر اعظم نے کہا کہ مودی نے ملک کے عوام کو تب بڑے - بڑے خواب دیکھائے تھے اور ان خوابوں کا کیا ہوا ۔ انہوں نے کہا کہ کانگرس کی اس ریلی میں جو جوش دیکھنے کو مل رہا ہے وہ ملک کو نئی سمت دے گا ۔