نیشنل ڈیسک:شہریت ترمیمی قانون  ( سی اے اے )کے مسئلے کو لے کر بی جے پی اور کانگرس کے درمیان زبانی جنگ جاری ہے۔کانگرس کے سینئر لیڈر اور لوک سبھا میں رہنما  ادھیر رنجن چودھری نے پیر کو ایک بار پھر پی ایم مودی پر نشانہ لگایا ہے۔ ادھیر رنجن نے کہا کہ مودی جی تین طلاق قانون کے وقت مسلم بہنوں کے لئے آنسو بہا رہے تھے۔اگر وہ ایماندار ہیں تو انہیں اب شاہین باغ جانا چاہئے، جہاں وہ مائیں اور بہنیں گزشتہ چند ہفتوں سے مظاہرہ کر رہی ہیں۔
بتا دیں کہ اس سے پہلے بھی انہوں نے  وزیر اعظم مودی اور وزیر داخلہ امت شاہ کو لے کرتبصرہ کیا تھا ۔کچھ دن پہلے انہوں نے مغربی بنگال کے بشیرہاٹ میں کانگرس کے ایک عوامی جلسے میں کہا تھا    کہ مجھے پاکستانی کہہ کر بلایا جاتا ہے،میں آج کہنا چاہتا ہوں کہ ہاں میں پاکستانی ہوں،آپ ( مودی - شاہ) کو جو کرنا ہے وہ کر لو۔ یہاں پر ہاں کو ہاں بولنا بھی  خطرے سے خالی نہیں ہے۔
انہوں نے  کہا تھا کہ دہلی میں بیٹھے لوگ کہیں گے ہمیں مان لینا ہو گا  ورنہ ہم غدار بن جائیں گے۔آج ہم کہاں رہ رہے ہیں؟ ہمیں وہی کرنے کو کہا جاتا ہے جو نریندر مودی اور امت شاہ کہتے ہیں۔یہ ہمیں قابل قبول نہیں ہے۔یہ ملک نریندر مودی، امت شاہ کے باپ کا نہیں۔ ہندوستان کسی کے باپ کی ملکیت نہیں ہے۔یہ بات ان دونوں کو سمجھنی چاہئے۔وہ آج ہیں کل نہیں رہیں گے۔