بیجنگ:بھارت کے ساتھ سرحد تنازعہ اور امریکہ کے ساتھ کورونا وائرس کی اصلیت کو لے کر چل رہی مخالفت کے درمیان چین نے منگلوار کو بڑا قدم اٹھایا ہے ۔ چین کے صدر شی جن پنگ نے ملک کے فوجیوں کی ٹریننگ کو مضبوط کرنے کا حکم دیا ہے۔ اس کے ساتھ ہی انہوں نے کورونا وائرس وبا سے چین کی قومی سکیورٹی پر پڑ رہے سیدھے اثر سے نپٹنے کو تیار رہنے کو کہا ہے۔
چینی میڈیا رپورٹ کا حوالہ دیتے ہوئے ایک انگریزی اخبار میں شائع خبر کے مطابق شی جن پنگ نے کہا کہ ملک کے فوجیوں کی ٹریننگ مضبوط کرنا اور جنگ کے لئے تیار ہونا ، قومی خودمختاری کی حفاظت کرنا ور ملک کی حساس تزویراتی استحکام کی حفاظت کرنا اہم ہے ۔ دو دن پہلے ہی چین کے اعلیٰ سیاستدان وانگ یی نے چین کو کورونا وائرس وبا کے لئے ذمہ دارٹھہرانے کے متعلق افواہوں کو پھیلانے کے لئے کچھ امریکی سیاستدانوں کی کوشش کی کڑی مخالفت کی تھی ۔وانگ نے کہا تھا کہ امریکہ چین کے ساتھ اپنے تعلقات کو ایک سرد جنگ کی طرف دھکیل رہا ہے ۔چین کے سٹیٹ کائونسلر اور وزیر داخلہ نے بھی کورونا وائرس وبا پر امریکہ کے جھوٹ کو خارج کر دیا ۔
وزیر اعظم مودی نے کی این ایس ڈوبھال اور سی ڈی ایس راوت کے ساتھ میٹنگ
لداخ سرحد پر چین کے ساتھ گزشتہ کچھ دنوں سے ان بن کے درمیان پی ایم نے قومی حفاظتی صلاحکار اجیت ڈوبھال اور چیف آف ڈیفنس سٹاف جنرل بپن راوت کے ساتھ آج میٹنگ میں حالت کا جائز ہ لیا ۔ اس سے پہلے وزیر دفاع راجناتھ سنگھ نے بھی جنرل راوت اور تینوں فوجوں کے سربراہوں کے ساتھ میٹنگ کی تھی۔
تینوں فوجوں کے سربراہوں کے ساتھ وزیر دفاع کی میٹنگ
دو دن پہلے ہی لیہہ کا دور ہ کر لوٹے فوج کے چیف جنرل منوج مکند نرونے نے وزیر دفاع کو ایل اے سی سرحد پر تازہ حالت سے آگاہ کرایا۔ چین دولت بیگ اولڈی علاقے میں رابطے کے لئے بھارت کی جانب سے بنائی جا رہی سڑک کی کڑی مخالفت کر رہا ہے جبکہ بھارت کا کہنا ہے کہ وہ یہ سڑک اپنی سرحد کے اندر بنا رہا ہے اور چین کو اس پر اعتراض نہیں ہوناچاہئے۔