جموں :مین اسٹریم کے  حراست میں لئے گئے نیتاؤں کی  رہائی    میں تاخیر ہونے کا امکان دکھائی دینے لگا ہے ، کیونکہ شہریت قانو ن کر لیکر  ملک کے مختلف حصوں میں تشدد اور احتجاجی مظاہروں کو دھیان میں رکھتے ہوئے حکومت یہ خطرہ مول نہیں لینا چاہتی ہے ۔حالانکہ ابھی تک  جموں کشمیر میں اس متعلق  امن وامان کا ماحول بنا ہوا ہے اور کوئی بڑا احتجاجی مظہر دیکھنے کو نہیں ملا، جبکہ کئی علاقوں کی جانب سے اچھی خاصی بیان بازی کی جا رہی ہے اور اس قانون کی مخالفت  اور حمایت میں  تبصرے سامنے آرہے ہیں۔

ذرائع کے مطابق یو ٹی انتظامیہ نے 50 کے قریب حراست میں  لئے گئے نیتاؤں کی  فہرست  مرکز کے پاس بھیجی ہے ، لیکن ابھی تک  یہ واضح نہیں کہ ان نیتاؤں کو رہا کب کیا جائیگا۔اس حوالے سے کئی بیان آرہے ہیں ، فاروق عبداللہ  اور کچھ  دیگر نیتاؤں کو پی ایس اے کے تحت نظر بندی میںمزید 3 ماہ کا اضافہ کر دیا گیا ۔لیکن یہ بھی خبر ہے کہ  نیشنل کانفرنس کے   کئی بڑے نیتا اپنی رہائی کے لئے عدالت کا دروازہ نہیں کھٹکھٹائیں گے ۔وہیں یہ بھی خبر ہے کہ  کچھ نیتاؤں اور دیگر کو  یہ بانڈ دینے پر رہائی  مل سکتی ہے  کہ وہ کسی قانون کی خلاف ورزی نہیں کریں گے اور نہ ہی  تشدد بھڑکانے والوں کی حمایت کریں گے ۔

قابل ذکر ہے کہ  دفعہ 370 اور 35 اے کو ختم کرنے کے کچھ دن قبل وادی کے کئی بڑے نیتاؤں اور 300 سے زیادہ سنگبازوں اور ان کی حمایت کرنے والوں کو گرفتار کر لیاگیا تھا ۔ ان میں سے  زیادہ تر کو جموں کشمیر کی مختلف  جیلوں میں رکھا جا رہا  ہے ۔