فاضلکا: فاضلکا میں ایک دلہن اپنی شادی کی رسومات بیچ میں ہی روک کر امتحان دینے پہنچی جسے دیکھ کر سب دنگ رہ گئے۔ بتایا جا رہا ہے کہ دلہن بی ایڈ کی طالبہ ہے اور اپنے پہلے سمسٹر کا پیپر دینے آئی تھی۔ اس دوران امتحان ہال میں طالبہ کرنا کو دلہن کے لباس میں دیکھ کر سب حیران رہ گئے۔ طالبہ نے بتایا کہ اس کی شادی 5 فروری کو طے تھی، اس دوران اس کے امتحان کی تاریخ تبدیل ہوکر 5 فروری ہوگئی۔ اس دوران ان کے پرنسپل اور اسٹاف نے ان کی بہت مدد کی جس کی وجہ سے ان کے دونوں کام کامیاب ہوئے۔ ایک طرف دلہن امتحان دینے آئی تو دوسری طرف دولہا کو بھی کافی دیر انتظار کرنا پڑا۔

اس بارے میں کالج کے پرنسپل نے کہا کہ مذکورہ امتحان پہلے 22 جنوری کو ہونا تھا۔ اس دوران ایودھیا رام مندر کے پران پرتیشتھاکی تعطیل کی وجہ سے امتحان ملتوی ہوکر 5 فروری مقرر ہو گئی ۔ اس کی اطلاع ملتے ہی طالبہ اور اس کے والدین کالج پہنچے اور پرنسپل سے بات کی۔ اس موقع پر انہیں بغیر کسی پریشانی کے امتحان دینے کو کہا گیا اور مدد کی یقین دہانی کرائی گئی۔ پرنسپل نے امتحان دینے کے لیے آنے والے طالبہ کو مبارکباد دی اور کہا کہ یہ طالبہ تمام طلبہ کے لیے مشعل راہ بنے گی کہ زندگی میں تعلیم بھی بہت ضروری ہے۔