انٹر نیشنل ڈیسک :آسٹریلیا بچوں کی آن لائن حفاظت کے معاملے میں دنیا کا سب سے سخت ملک بن گیا ہے۔ 16 سال سے کم عمر بچوں پر سوشل میڈیا کے استعمال پر پابندی نافذ کرنے کے بعد اب آسٹریلیا کی حکومت نے قواعد کی خلاف ورزی کرنے والے پانچ بڑے سوشل میڈیا پلیٹ فارموں کے خلاف سرکاری تحقیقات شروع کر دی ہیں۔ حکومت نے صاف کر دیا ہے کہ اگر ان کمپنیوں کو آسٹریلیا میں کاروبار کرنا ہے تو انہیں یہاں کے سخت قوانین ماننا ہوں گے۔
کیا ہے پورا معاملہ ۔
آسٹریلیا نے دسمبر 2025 میں ایک تاریخی قانون نافذ کیا تھا جس کے تحت 16 سال سے کم عمر بچوں کے لیے سوشل میڈیا کا استعمال ممنوع قرار دیا گیا تھا۔ ای سیفٹی کمشنر نے اپنی رپورٹ میں فیس بک اور انسٹاگرام سمیت پانچ بڑے پلیٹ فارموں کے طریقہ کار پر شدید تشویش ظاہر کی ہے۔ تحقیق میں معلوم ہوا کہ یہ پلیٹ فارم بچوں کو عمر کی تصدیق کے غلط طریقے آزمانے کی اجازت دے رہے ہیں اور عمر کی حد سے کم اکاو¿نٹس کی رپورٹ کرنے کی سہولت بھی درست طریقے سے نہیں دے رہے۔
بھاری جرمانے کی تلوار۔
آسٹریلیا کی حکومت کے قواعد کے مطابق جو کمپنیاں بچوں کو روکنے کے لیے مناسب اقدامات نہیں کریں گی انہیں 4 کروڑ 95 لاکھ آسٹریلوی ڈالر تک کا بھاری جرمانہ ادا کرنا پڑ سکتا ہے جو تقریباً 272 کروڑ بھارتی روپے بنتے ہیں۔
قواعد مانو یا باہر جاو۔
آسٹریلیا کی مواصلات وزیر انیکا ویلز نے سخت لہجے میں کہا کہ ہمیں امید ہے کہ آن لائن حفاظت کی نگرانی کرنے والا ادارہ ان کمپنیوں کے خلاف سخت کارروائی کرے گا جو اپنی قانونی ذمہ داریوں سے بچ رہی ہیں۔ اگر ان کمپنیوں کو آسٹریلیا میں رہنا ہے تو انہیں ہمارے قوانین پر عمل کرنا ہوگا۔ ای سیفٹی کمشنر جولی انمین گرانٹ نے تصدیق کی ہے کہ ان کا محکمہ اب ان پابندیوں کو سختی سے نافذ کرنے کے عملی مرحلے میں داخل ہو چکا ہے۔
47 لاکھ اکاونٹس پر کارروائی۔
سرکاری اعداد و شمار کے مطابق اس قانون کا اثر دکھائی دینا شروع ہو گیا ہے۔
بڑی کارروائی۔
10 دسمبر کو پابندی نافذ ہونے کے بعد اب تک سوشل میڈیا کمپنیوں نے 16 سال سے کم عمر بچوں کے تقریباً 47 لاکھ اکاو¿نٹس کو غیر فعال یا بند کر دیا ہے۔
سخت پیغام۔
حکومت کا مقصد بچوں کو سوشل میڈیا کے ذہنی اور سائبر خطرات سے مکمل طور پر محفوظ رکھنا ہے۔