نئی دہلی:لوک سبھا میں بی جے پی کے رہنما سادھوی پرگیہ کے ناتھو رام گوڈسے کو' محب وطن'بیان پر ہنگامہ جاری ہے۔ اس معاملے میں آل انڈیا مجلس اتحا دالمسلمین (اے آئی ایم آئی ایم )کے رہنما اسد الدین اویسی نے پرگیہ سنگھ ٹھاکر پر  نشانہ لگایا ہے۔

https://twitter.com/ANI/status/1199928888509337600?ref_src=twsrc%5Etfw%7Ctwcamp%5Etweetembed%7Ctwterm%5E1199928888509337600&ref_url=https%3A%2F%2Fkhabar.ndtv.com%2Fnews%2Findia%2Fpragya-godse-row-asaduddin-owaisi-attack-on-bjp-over-pragya-statement-2139987
 انہوں نے کہا کہ انہوں نے پہلی بار کوئی ایسا بیان نہیں دیا ہے۔نیوز ایجنسی اے این آئی سے بات کرتے ہوئے انہوں نے کہا کہ یہ پہلی بار نہیں ہے جب انہوں نے ایسا کہا ہے۔ ان بیانات سے لگتا ہے کہ وہ مہاتما گاندھی کی دشمن اور ان کے قاتل کی حامی ہے۔
 اسد الدین اویسی کا الزام ہے کہ رہنما پرگیہ ٹھاکر نے قوانین کی خلاف ورزی کی ہے۔گوڈسے کی ستائش قوانین 349، 352 کی خلاف ورزی ہے ۔ انہوں نے کہا کہ  پارلیمنٹ میں گوڈسے گری ہو رہی ہے۔

بتادیں کہ بدھ کو لوک سبھا میں اس وقت ہنگامہ ہو گیا جب  ایس پی جی  ترمیمی بل پر بحث کے دوران  ڈی ایم کے رہنما اے راجا  ناتھورام گوڈسے کے ایک بیان کا حوالہ دے رہے تھے کہ اس نے مہاتما گاندھی کو کیوں مارا تو سادھوی پرگیہ نے انہیں ٹوک دیا۔سادھوی پرگیہ ٹھاکر نے کہا کہ آپ  ایک محب وطن کی مثال نہیں دے سکتے۔ تاہم، بعد میں پرگیہ سنگھ ٹھاکر کے بیان کو لوک سبھا کے ریکارڈ سے ہٹا دیا گیا۔