نئی دہلی: کینیڈین وزیر خارجہ انیتا آنند نے پیر کو یہاں وزیر اعظم نریندر مودی سے ملاقات کی۔ وزیر اعظم مودی نے کہا کہ ان کا بھارت کا دورہ دونوں ملکوں کی شراکت داری کو نئی رفتار دے گا۔ وزیر اعظم دفتر (پی ایم او) کی جانب سے جاری ایک بیان میں کہا گیا ہے ،وزیر اعظم نے وزیر خارجہ آنند کا استقبال کیا اور کہا کہ ان کا دورہ بھارت-کینیڈا دوطرفہ شراکت داری کو نئی رفتار دینے کے لیے جاری کوششوں میں حصہ ڈالے گا۔ اس سال مئی میں کینیڈا کی وزیر خارجہ کا عہدہ سنبھالنے کے بعد آنند پہلی بار بھارت کے دورے پر ہیں۔
بیان میں کہا گیا ہے کہ ملاقات کے دوران پی ایم مودی نے اس سال جون میں جی-7 سربراہی اجلاس کے لیے کینیڈا کے اپنے دورے کو یاد کیا اور کہا کہ اس دوران انہوں نے وزیر اعظم مارک کارنی کے ساتھ 'بہت موثر' ملاقات کی تھی۔ پی ایم او نے کہاوزیر اعظم نے تجارت، توانائی، ٹیکنالوجی، زراعت اور دونوں ممالک کے درمیان بڑھتے ہوئے تعاون کی اہمیت پر گفتگو کی۔آنند کے دورے کو دونوں ممالک کے درمیان دو طرفہ تعلقات کو دوبارہ قائم کرنے کی سمت میں ایک قدم کے طور پر دیکھا جا رہا ہے، جو ہر دیپ سنگھ نِجر کے قتل کے بھارت کے ساتھ ممکنہ تعلقات سے جڑے سابق وزیر اعظم جسٹن ٹروڈو کے الزامات کے بعد 2023 میں انتہائی خراب ہو گئے تھے۔