ممبئی: بالی وڈ اداکار اکشے کمار کی والدہ ارونا بھاٹیہ کی حالت انتہائی نازک بتائی جاتی ہے۔ میڈیا رپورٹس کے مطابق وہ ممبئی کے ایک ہسپتال کے آئی سی یو میں داخل ہیں۔ والدہ کی حالت کی خبر ملتے ہی اکشے برطانیہ سے ممبئی واپس آ گئے ہیں۔

بتایا جارہا ہے کہ اکشے کمار کی والدہ ارونا بھاٹیہ کچھ دنوں سے بیمار ہیں اور ممبئی کے ہیرانندانی ہسپتال کے آئی سی یو میں داخل ہیں۔ ایسے میں اکشے کمار اپنی فلم سنڈریلا کی شوٹنگ برطانیہ سے چھوڑ کر ممبئی واپس آگئے۔

اکشے کمار کو اپنی والدہ سے بہت زیادہ لگاؤ ہے ،اسی لئے ہی انہوں نے ان کے بیمار ہونے کی وجہ سے شوٹنگ کو درمیان میں چھوڑ کرہندوستان واپس آنے کا فیصلہ کیا ہے۔آپ کو بتادیں کہ ارونا بھاٹیہ کی عمر تقریبا  77 سال  کے قریب ہے چند سال قبل ان کے گھٹنے کی سرجری ہوئی تھی۔ارونا بھاٹیہ ایک فلم پروڈیوسر ہیں اور انہوں نے میں ہالی ڈے ، نام شبنم اور رستم جیسی فلموں کو پروڈیوس کیا ہے۔