ڈھاکہ: بنگلہ دیش کے چٹاگاؤںمیں جمعرات کو فضائیہ کا لڑاکا تربیتی طیارہ ایک دریا کے اوپر گر کر تباہ ہوگیا۔ پیراشوٹ کی مدد سے باہر آنے والے دو پائلٹس کو بچا لیا گیا تاہم ان میں سے ایک کی موت ہو گئی۔ سرکاری میڈیا کے مطابق، انٹر سروسز پبلک ریلیشنز (آئی ایس پی آر)کے بیان میں کہا گیا کہ چٹاگاؤں کے پتنگا میں بنگلہ دیش کی فضائیہ کا ایک یاک 130 ٹرینی لڑاکا طیارہ تکنیکی خرابی کے باعث گر کر تباہ ہو گیا۔ 
حادثے میں چٹاگاؤں میٹروپولیٹن پولیس کی پورٹ ایریا کی ڈپٹی کمشنر شکیلہ سلطانہ نے بتایا کہ طیارہ مقامی وقت کے مطابق صبح 11 بجے دریائے کرنافولی کے اوپر گر کر تباہ ہوا اور پتنگا کے بوٹ کلب کے قریب گرا۔ ریاستی خبر رساں ادارے بی ایس ایس نیوز کے مطابق، سلطانہ نے کہا کہ دونوں زخمی پائلٹس، جنہوں نے پیراشوٹ کی مدد سے بچا لیا، کو کمبائنڈ ملٹری ہسپتال لے جایا گیا، جہاں اسکواڈرن لیڈر محمد عاصم جواد انتقال کر گئے۔ اہلکار نے بتایا کہ بندرگاہ پر کھڑے مختلف بحری جہازوں کے غوطہ خور، فائر فائٹرز اور ملاح تباہ ہونے والے طیارے کے ملبے کو تلاش کرنے کی کوشش کر رہے ہیں۔