روم : اٹلی کے لازیو صوبہ میں کثیر تعداد میں تارکین وطن رہائش پذیر ہیں۔ اس علاقے کی سڑکیں ہمیشہ ہی، چاہے وہ لنک سڑکیں ہوں یا مرکزی راستے، تارکین وطن کے لیے اکثر خطرناک ثابت ہوتی ہیں۔
ایسا ہی ایک حادثہ صوبے کے مرکزی راستہ پونتینا 148 پر گزشتہ رات صاباوڈیا (لاتینا) علاقے میں پیش آیا، جب ایک تارکین وطن بھارتی اپنے کام سے چھٹی لے کر لاتینا کی طرف سے تیراچینا کی طرف جا رہا تھا کہ بورگو لیوی کی جانب مڑتے وقت ایک تیز رفتار چار پہیوں والی گاڑی کی زد میں آ گیا۔ ٹکر اتنی شدید تھی کہ بھارتی نوجوان کی موت واقعہ کے چند منٹ بعد ہو گئی۔ اگرچہ حادثے کی اطلاع ملتے ہی ایمبولنس پہنچ گئی، لیکن اس وقت تک سب کچھ ختم ہو چکا تھا۔
مرحوم پرمجیت پمّا (43) بھارت کے پنجاب صوبے کے ضلع شہید بھگت سنگھ کے گاوں ہیڑیاں کا رہنے والا تھا، جو کہ 2-3 سال پہلے بہتر مستقبل بنانے اور گھر کی غربت دور کرنے کے لیے اٹلی آئے تھے، لیکن یہاں پہلے انہیں اٹلی مستقل کرانے کے نام پر ایک ایجنٹ نے لوٹا اور اب قسمت نے انہیں لوٹ لیا۔ مرحوم اپنے پیچھے بیوہ بیوی کے علاوہ دو معصوم بچوں کو روتے ہوئے چھوڑ گئے ہیں۔ پولیس انتظامیہ کے مطابق اس حادثے کی بنیادی وجہ مرحوم کی طرف سے سائیکل کا غلط جگہ سے مڑنا بتائی جا رہی ہے۔