واشنگٹن: اقوام متحدہ (یو این)کے ایک اعلی اہلکار نے جمعے کے روز کہا کہ اسرائیل اور حماس کے درمیان جنگ کے چھ ماہ سے زائد عرصے کے بعد اور اسرائیل نے فلسطینی علاقے میں خوراک کی فراہمی پر سخت پابندیاں عائد کر دی ہیں، بحران سے متاثرہ شمالی غزہ میں قحط ہے۔ اب یہ اپنے عروج پر پہنچ چکا ہے۔
 اقوام متحدہ کے ورلڈ فوڈ پروگرام کی امریکی ڈائریکٹر سنڈی مکین  اب تک کی پہلی  ایسی بڑی بین الاقوامی اہلکار ہیں،  جنہوں نے شمالی غزہ میں پھنسے شہریوں کو قحط سے جوجھنے کی  تصدیق کی ہے ۔مکین نے این بی سی کے "میٹ دی پریس" کے ساتھ ایک انٹرویو میں کہا یہ خوفناک ہے ۔ شمال میں قحط اپنے عروج پر ہے اور صورتحال جنوب کی طرف بڑھ رہی ہے۔'' یہ انٹرویو اتوار کو نشر کیا جائے گا۔
انہوں نے کہا کہ غزہ میں تیزی سے بڑھتے ہوئے انسانی بحران کا سامنا کرنے کے لیے جنگ بندی کی ضرورت ہے اور زمینی اور سمندری راستوں سے امداد کی ترسیل کی شرح میں زبردست اضافہ کیا جانا چاہیے۔ غزہ میں تقریبا 23 لاکھ لوگ رہتے ہیں۔ اسرائیل کی طرف سے فی الحال کوئی تبصرہ نہیں کیا گیا ہے۔ اسرائیل غزہ میں داخلے کو کنٹرول کرتا ہے اور اس کا کہنا ہے کہ اس نے زمینی سرحد کے ذریعے خوراک اور دیگر انسانی امداد کی اجازت دینا شروع کر دی ہے۔