کوچی : سبریمالا میں واقع بھگوان ایپّا کے 'درشن' کرنے جارہی ایک خاتون کارکن پر ہندو تنظیم کے ایک رکن نے منگل کے روز مبینہ طور پر حملہ کردیا ۔ سپریم کورٹ کے گذشتہ سال کسی بھی عمر کی خاتون کو مندر میں جانے کی اجازت دینے کے بعد ایپّا مندر کے درشن کر تاریخ رقم کرنے والی بندو امنی خاتون حقوق کارکن ترپتی دیسائی کی قیادت میں مندر کے درشن کیلئے جارہے خاتون کارکنوں کے گروپ میں شامل تھی ۔ 

بندو امنی پر پولیس کمشنریٹ کے باہر ہندو تنظیم کے ایک رکن نے مرچی سپرے سے حملہ کیا ۔ پولیس نے بتایا کہ ملزم کی شناخت شریناتھ پدم نابھن کے طور پر ہوئی ہے اور اسے گرفتار کرلیا گیا ہے ۔ ٹی وی چینلوں پر دکھ رہی ویڈیو میں ان پر حملہ ہوتا دکھ رہا ہے ۔ ذرائع نے بتایا کہ انہیں ہسپتال لے جایا گیا ہے ۔ دیسائی اور کارکنوں کی مخالفت کرنے کیلئے ایپّا عقیدتمند بڑی تعداد میں کمشنریٹ کے باہر اکٹھا ہوئے ۔ 

https://twitter.com/mknid/status/1199181512341508096?ref_src=twsrc%5Etfw%7Ctwcamp%5Etweetembed%7Ctwterm%5E1199181512341508096&ref_url=https%3A%2F%2Fwww.punjabkesari.in%2Fnational%2Fnews%2Fwoman-seeking-entry-intosabarimala-temple-sprayed-with-chilli-powder-1087637
ترپتی دیسائی سبریمالا واقع  بھگوان ایپّا مندر میں پوجا کرنے کیلئے منگل کی صبح کچھ دیگر کارکنوں کے ساتھ یہاں پہنچی تھی ۔ دیسائی اور دیگر کارکنوں کو کوچی بین الاقوامی ہوائی اڈے پہنچتے ہی کوچی شہر کے پولیس کمشنریٹ میں لے جایا گیا تھا ۔ انہوں ںے کہا کہ یوم آئین کے موقع پر 26 نومبر کو وہ لوگ مندر میں پوجا کرنا چاہیں گی ۔ دیسائی نے کہا کہ سپریم کورٹ  کے 2018 میں سبھی عمر کی خواتین کو سبریمالا مندر میں داخل ہونے کی اجازت دینے کے حکم کے ساتھ وہ یہاں پہنچی ہیں ۔ خاتون کارکن کا کہنا ہے ،' میں مندر میں پوجا کرنے کے بعد ہی کیرل سے جاؤں گی ۔