گیجیٹ ڈیسک :31 دسمبر سے کئی سمارٹ فونز پر انسٹینٹ میسیجنگ ایپ ( وہاٹس ایپ ) کام کرنا بند کردے گی ۔ وہاٹس ایپ  نے اپنے FAQ سیکشن میں جانکاری دیتے ہوئے بتایا کہ 31 دسمبر 2019 کے بعد یہ ایپ ونڈوز موبائل آپریٹنگ سسٹم پر کام کرنے والے کسی بھی موبائل فون کو سپورٹ نہیں کرے گی ۔ اس لسٹ میں کچھ iOS اور اینڈرائیڈ فونز بھی موجود ہیں لیکن ان پر یہ سروس یکم فروری 2020 سے بند ہوگی ۔ 

پرانے اینڈرائیڈ فونز پر بھی بند ہوجائے گا وہاٹس ایپ 
اگر آپ کا سمارٹ فون یا دیگر ڈیوائز اینڈرائیڈ کے 2.3.7 ورزن ( Gingerbread) یا اس سے پرانے ورزن پر کام کررہا ہے تو اس پر آپ یکم فروری 2020 سے وہاٹس ایپ کا لطف نہیں اٹھا پائیں گے ۔ 
آپ کو بتا دیں کہ اینڈرائیڈ جنجر بریڈ آپریٹنگ سسٹم سال 2010 میں لانچ ہوا تھا ۔ ایسے میں قریب 10 سال پرانے اس آپریٹنگ سسٹم پر وہاٹس ایپ کام کرنا بند کردے گا ۔ 

ان آئی فون ماڈلس پر بھی بند ہوگا وہاٹس ایپ
اگر آپ کا آئی فو iOS 8 یا اس سے پہلے والے ورزن پر کام کررہا ہے تو آپ یکم فروری 2020 سے وہاٹس ایپ کا استعمال نہیں کرپائیں گے ۔ وہاٹس ایپ نے کہا کہ اس ایپ کے بہترین ایکسپیرینس کے لئے ہم یوزرس کو ان کے آئی فون کو لیٹیسٹ iOS میں اپڈیٹ کرنے کی صلاح دیتے ہیں ۔