آگرہ: اترپردیش کے آگرہ میں دل دہلا دینے والا معاملہ دیکھنے کو ملا جہاں شراب پینے سے روکنے پر شوہر نے اہلیہ کا گلا کاٹ کر قتل کردیا ۔ اس کے بعد ملزم اہلیہ کا سر لے کر تھانہ پہنچ گیا ۔ واردات تھانہ ہریپروت علاقے کے ایتمادولا کی ہے ، جہاں ایتما دولا کے ستّا محلہ نواسی چوب سنگھ کی بیٹی شانتی کی شادی 17 سالہ کچھ پورہ کے نواسی نریش سے ہوئی تھی ۔
نریش ٹی وی مرمت کا کام کرتا تھا ۔ اس کا ایک 7 سالہ بیٹا اور 3 بیٹیاں ہیں ۔ نریش شراب پینے کا عادی ہے ۔ اہلیہ اسے شراب پینے سے روکتی تھی وہ اسے مارتا تھا ۔ اتوار شام کو نریش شراب پی رہا تھا تو شانتی نے اسے روکا ، جس کے بعد وہ گالیاں دینے لگا ۔ اسی درمیان اس نے اہلیہ کا تیز دھار ہتھیار سے گلا کاٹ کر قتل کردیا ۔ قتل کو انجام دینے کے بعد ملزم اہلیہ کا کٹا ہوا سر سڑک پر لے کر گھومتا رہا ۔ اس کے بعد کٹا سر لے کر ملزم تھانے پہنچ گیا ۔ یہا دیکھ کر موجود پولیس کارکن حیران رہ گئے ۔
تھانہ انچارج اجے کوشل نے بتایا کہ نریش کو اس کی اہلیہ کے سر سمیت پکڑ لیا اور اس سے پوچھ تاچھ جاری ہے۔