واشنگٹن:نو منتخب امریکی صدر ڈونالڈ ٹرمپ نے چینی صدرشی جن پنگ کو اپنی تقریب حلف برداری میں مدعو کر لیا۔ امریکی میڈیا کے مطابق نومنتخب امریکی صدر ڈونالڈ ٹرمپ نے کامیابی کے فوری بعد نومبر میں ہی چینی صدرشی جن پنگ کو دعوت دی تھی، لیکن یہ واضح نہیں تھا کہ آیا انہوں نے یہ دعوت قبول کی ہے یا نہیں۔ میڈیا رپورٹ کے مطابق ہنگری کے وزیراعظم وکٹراوربن کو بھی دعوت دیئے جانے کا امکان ہے، نومنتخب امریکی صدر ڈونالڈ ٹرمپ 20 جنوری کوعہدے کا حلف اٹھائیں گے۔

یاد رہے کہ چینی صدر شی جن پنگ نے ڈونالڈ ٹرمپ کو امریکی صدر منتخب ہونے پر مبارکباد دی تھی، چینی صدر نے باہمی احترام، پ±رامن بقائے باہمی، تعاون کا اصول برقرار رکھنے کی امید کا اظہار کیا تھا۔ اپنے پیغام میں شی جن پنگ نے ایک دوسرے کے ساتھ چلنے کا صحیح راستہ تلاش کرنے پر زور بھی دیا تھا، چینی صدر نے پیغام میں کہا تھا کہ مستحکم، مضبوط اور پائیدار تعلقات دونوں ممالک کے مشترکہ مفاد میں ہیں۔