بھوپال : بابائے قوم ( راشٹر پتا) مہاتما گاندھی کے قاتل کو وطن پرست کہنے کے بیان پر آج سادھوی پرگیا لوک سبھا میں اپنی صفائی پیش کرے گی ۔ پارلیمنٹ میں سرمائی اجلاس کا آج دسواں روز ہے ۔
بتا دیں کہ لوک سبھا سیشن کے دوران سادھوی پرگیا نے بابائے قوم مہاتما گاندھی کے قاتل ناتھو رام گوڈسے کو وطن پرست کہا تھا ۔ اس متنازعہ بیان کے بعد بھاجپا نے انہیں مرکزی دفاعی کمیٹی سے باہر کردیا تھا ۔ وہیں کانگرس کے کئی لیڈروں نے ان کے بیان کی خوب مذمت کرتے ہوئے ان کی رکنیت ختم کرنے کی مانگ کی تھی ۔ حالانکہ سادھوی پرگیا نے اس پر صفائی پیش کرتے ہوئے ٹویٹ کیا تھا کہ میں نے اودھم سنگھ کی بے عزتی برداشت نہیں کیا اس لئے یہ بیان دیا تھا ۔