جبل پور : پاک بھارت کرکٹ میچ پر مسلسل احتجاج کیا جا رہا ہے۔ جبل پور میں زبردست احتجاج دیکھا گیا جہاں ٹی وی جلائے گئے۔ یہاں ٹی وی جلا کر پاک بھارت میچ کے خلاف احتجاج ریکارڈ کروایا گیا۔ این ایس یو آئی کے رہنماوں نے پاکستان کے پوسٹرز اور ٹی وی جلا کر احتجاج کیا۔ این ایس یو آئی نے کہا کہ بی سی سی آئی کو چند روپوں کے لالچ میں بیچ دیا گیا ہے اور ملک کے ساتھ کھیلواڑ کیاجا رہا ہے۔ یہ بالکل غلط ہے۔
وزیر اعظم دہشت گردی اور ٹاک ایک ساتھ نہیں ہونے کی بات کرتے تھے لیکن آج پاکستان کے ساتھ میچ ہو رہا ہے۔یہ احتجاج این ایس یو آئی لیڈر اچل ناتھ کی قیادت میں کیا گیا۔ کانچھ گھر چوک پر پاکستان کے پوسٹرز جلائے گئے۔ احتجاج کے دوران پولیس اہلکار اور رہنما ٹی وی جلاتے ہوئے بال بال بچ گئے۔