بھوپال: مشہور کتھا واچک (کہانی سنانے والے اور مذہبی رہنما کہلانے والے )اتم سوامی کے خلاف ایک نوجوان لڑکی نے سنگین الزامات لگائے ہیں۔ لڑکی نے ای میل کے ذریعے پولیس میں شکایت درج کرائی ہے، جس میں الزام لگایا گیا ہے کہ مذہب اور عقیدت کا بھروسہ دلا کر اس کے ساتھ ذہنی طور پر اثر ڈال کر زیادتی کی گئی۔
شکایت میں لڑکی کا کہنا ہے کہ اتم سوامی خود کو روحانی گروبتاتے ہیں اور سماج میں ان کا وسیع اثر و رسوخ ہے۔ لڑکی کے مطابق، جب انہیں یہ معلوم ہوا کہ وہ ان کے خلاف قانونی کارروائی کرنے جا رہی ہے، تو اسے براہِ راست اور بالواسطہ دھمکیاں دی جانے لگی، تاکہ وہ ایف آئی آر درج نہ کرائے۔
گواہوں کو متاثر کرنے کا خدشہ
لڑکی نے اپنی شکایت میں خدشہ ظاہر کیا ہے کہ معاملے کے گواہوں کو متاثر کیا جا سکتا ہے۔ ساتھ ہی اس نے دعویٰ کیا ہے کہ اسے مسلسل ڈرایا دھمکایا جا رہا ہے اور شواہد کے ساتھ چھیڑ چھاڑ ہونے کا بھی خدشہ ہے۔ شکایت میں یہ بھی کہا گیا ہے کہ ملزم کے پاس ایسے حامی ہیں، جو اس کی سرگرمیوں اور مقام کی معلومات حاصل کر سکتے ہیں، جس سے اس کی حفاظت کو خطرہ ہے۔
پولیس سے حفاظت کی مانگ
لڑکی نے پولیس سے 24 گھنٹے حفاظت (پولیس پروٹیکشن) فراہم کرنے کی درخواست کی ہے۔ ساتھ ہی اس نے گزارش کی ہے کہ اس کی شناخت اور موجودہ رہائش کی معلومات سیل شدہ (Sealed Cover) رکھی جائیں، تاکہ ذاتی معلومات عوام کے سامنے نہ آئیں۔ فی الحال پولیس کی جانب سے معاملے میں آگے کی کارروائی کے بارے میں کوئی سرکاری بیان سامنے نہیں آیا ہے۔ شکایت کی بنیاد پر تفتیشی عمل آگے بڑھ سکتا ہے۔ جبکہ اتم سوامی کی جانب سے بھی اب تک کوئی عوامی ردعمل سامنے نہیں آیا ہے۔