سپورٹس ڈیسک: سابق آسٹریلیائی کرکٹر سٹار شین واٹسن کا انسٹا گرام اکاؤنٹ کسی نے ہیک کرلیا ہے اور ان کے اکاؤنٹ سے لگاتار فحش تصاویر شیئر کی جارہی ہیں ۔ واٹسن کے انسٹا گرام سے کئی پوسٹ شیئر کی گئی ہیں ۔ جس میں لڑکیوں کی فحش تصاویر اور ویڈیوز شامل ہیں ۔ اسی کے ساتھ ہی کچھ تصاویر پر نمبر بھی شیئر کیا گیا ہے۔

انسٹا گرام  پر پوسٹ شیئر کرتے ہوئے ایک ہیکر نے واٹسن کا انسٹا گرام اکاؤنٹ ہیک کرنے کی بات بھی قبولی ہے ۔ حالانکہ اس پوسٹ میں ہیکر نے اپنا نام ظاہر نہیں کیا ہے اور نہ ہی اپنی پوری فوٹو شیئر کی ہے ۔ 

قابل ذکر ہے کہ واٹسن کے انسٹا گرام پر 1.3 ملین فالوورز ہیں اور ہر روز اپنے مداحوں کے ساتھ کچھ نہ کچھ شیئر کرتے رہتے ہیں ۔ پانچ دنوں پہلے (10 اکتوبر) واٹسن کا ٹویٹر اکاؤنٹ بھی کسی نے ہیک کرلیا تھا اور اس وقت بھی ایسے ہی فحش ٹویٹس ڈال کر انہیں بدنام کرنے کی کوشش کی گئی تھی ۔ واٹسن کا ٹویٹر اکاؤنٹ ہیک کرتے ہوئے ہیکر نے ان کی پروفائل فوٹو کی جگہ کسی خاتون کی تصویر بھی لگا دی تھی ۔