واشنگٹن:  امریکہ کے ریاست لوئیزیانا کے شہر کلنٹن میں ہفتہ وار پریڈ کے دوران ہوئی فائرنگ کے واقعے کے سلسلے میں دو افراد کو گرفتار کیا گیا ہے جس میں چھ سالہ ایک بچے کی موت ہو گئی تھی اور چار دیگر افراد زخمی ہو گئے تھے۔ حکام نے یہ جانکاری دی ہے ۔ 'ایسٹ فیلسیانا پیریش شیرف' کے دفتر نے سوشل میڈیا پر جاری ایک بیان میں بتایا کہ ملزمان کی عمر 19 اور 15 سال ہے۔ دونوں پر قتل کی کوشش، انصاف میں رکاوٹ ڈالنے اور لاپرواہی سے آتشیں اسلحہ چلانے کے الزامات عائد کیے گئے ہیں۔

Yall this lady was live at the Mardi Gras && the YNs just started shooting… shot 5 ppl including a 6y/o 🤦🏽‍♀️ yall be careful at these parades! pic.twitter.com/lmpZ6a3P8K

— mary lou ✨ (@KNOWur_Place) January 31, 2026

ہفتے کے روز کلنٹن شہر میں منعقد 'مارڈی گراس اِن دی کنٹری پریڈ' کے دوران اچانک فائرنگ شروع ہو گئی، جس سے وہاں موجود لوگ اپنی جان بچانے کے لیے ادھر ادھر بھاگنے لگے۔ کلنٹن بیٹن روج سے تقریبا 50 کلومیٹر شمال میں واقع ہے۔ شیرف کے دفتر کے مطابق، گرفتار کیے گئے یہ دونوں افراد ان تین افراد میں شامل ہیں جنہیں ہفتے کے روز پریڈ کے مقام کے قریب ہتھیاروں کے ساتھ پایا گیا اور حراست میں لیا گیا۔ 26 سالہ ایک شخص پر غیر قانونی طور پر ہتھیار رکھنے کا الزام لگایا گیا ہے۔ تاہم، تفتیش کاروں کا ماننا ہے کہ اس کا اس فائرنگ واقعے سے کوئی تعلق نہیں ہے۔ حکام نے ابھی تک فائرنگ کے پیچھے کسی ممکنہ مقصد کا انکشاف نہیں کیا ہے۔