نئی دہلی : سابق کرکٹ فاروخ انجینئر کے ذریعے ہندوستانی کرکٹ کی سلیکشن کمیٹی پر کئے گئے تبصرے سے پیدا ہوا تنازعہ تھمنے کا نام نہیں لے رہا ہے ۔ فاروخ نے کہا تھا کہ ٹیم انڈیا کی سلیکشن کمیٹی میں تجربے کی کمی ہے ۔ کرکٹ ورلڈ کپ کے دوران تو وہ سلیکشن کمیٹی کو پہچان تک نہیں پائے تھے ۔ انہیں لگا تھا کہ یہ لوگ ہندوستانی کپتان وراٹ کوہلی کی اہلیہ انوشکا شرما کو چائے پلانے کیلئے گھوم رہے ہیں ۔ معاملے میں انوشکا کا نام آتے ہی انہوں نے فاروخ کو لتاڑ لگائی ، جس کے بعد فاروخ کو بھی اپنی غلطی کا احساس ہوا اور انہوں نے معافی مانگ لی ۔
اب اس معاملے میں صحافیوں نے بات کرتے ہوئے روہت شرما سے بھی سوال پوچھ لیا ۔ سوال تھا کہ کیا انوشکا شرما کو خاص توجہ ملتی ہے ، فاروخ کے بیان پر آپ کیا کہیں گے ؟ صحافیوں کے اس سوال پر روہت شرما بھی بھڑخ گئے ۔ انہوں نے غصے میں کہاکہ،' میں فاروخ انجینئر کے دماغ میں تو نہیں گھس سکتا کہ وہ کیا سوچ رہے ہیں ۔ یہ سوال آپ انے پوچھیں کہ وہ ایسا الزام کیوں لگا رہے ہیں ۔
بتا دیں کہ انوشکا کا نام آنے کے بعد فاروخ کو جب اپنی غلطی کا احساس ہوا تو انہوں نے ایک ٹی وی چینل پر کہا،' میں نے مذاق کے طور پر کہا تھا کہ اسے ایک پہاڑ کی طرح بنا دیا گیا ہے ۔ بیچاری انوشکا کو اس میں کھینچ لیا گیا ۔ وہ ایک پیاری لڑکی ہے ، وراٹ کوہلی شاندار کپتان ہیں اور کوچ روی شاستری بہت اچھے ہیں ۔ پورے معاملے کو بے وجہ ہوا دی جارہی ہے ۔