نیشنل ڈیسک: سال 2025 میں کینیڈا اسٹوڈنٹ ویزا کی مستر ہونے کی شرح گزشتہ ایک دہائی میں نمایاں طور پر بڑھ گئی ہے۔ امیگریشن، ریفیوجیز اینڈ سٹیزن شپ کینیڈا کے تازہ اعداد و شمار کے مطابق سال2025 میں ریکارڈ 62  فیصد طالب علم ویزا درخواستیں مسترد کی گئیں، جو گزشتہ سال کے باون فیصد کے مقابلے میں کہیں زیادہ ہے۔ خاص طور پر ہندوستانی طلبہ کے لیے یہ شرح مزید تشویش ناک ہے، کیونکہ تقریبا 80 فیصد درخواست گزاروں کے ویزے مسترد ہو رہے ہیں۔ امیگریشن، ریفیوجیز اینڈ سٹیزن شپ کینیڈا نے اس بڑھتے ہوئے مسئلے کی وجوہات واضح کی ہیں اور بتایا ہے کہ طلبہ کس طرح ورک پرمٹ کے مسترہونے سے بچ سکتے ہیں۔
پوسٹ گریجویشن ورک پرمٹ: نئی چیلنجز
کینیڈا میں تعلیم مکمل کرنے کے بعد طلبہ پوسٹ گریجویشن ورک پرمٹ کے ذریعے کام کر سکتے ہیں۔ لیکن اب اس پرمٹ کے حصول کا عمل مشکل ہوتا جا رہا ہے۔ گریجویشن کے 180  کے اندر یہ پرمٹ حاصل کرنا لازمی ہے۔ کئی طلبہ نے شکایت کی ہے کہ تمام دستاویزات درست ہونے کے باوجود ان کا ورک پرمٹ مسترد ہو جاتا ہے۔ امیگریشن، ریفیوجیز اینڈ سٹیزن شپ کینیڈا نے اس ابہام کو دور کرنے کے لیے چند واضح ہدایات جاری کی ہیں۔
کینیڈا کا 2025  کا منصوبہ اور اعداد و شمار
کینیڈا کی حکومت نے سال 2025 میں چار لاکھ سینتیس ہزار اسٹڈی پرمٹ جاری کرنے کا منصوبہ بنایا تھا، جو گزشتہ سال کے مقابلے میں تقریبا دس فیصد کم ہے۔ وی این ایکسپریس کی رپورٹ کے مطابق، ان میں سے تقریبا 73 ہزار پوسٹ گریجویٹ طلبہ کے لیے، دو لاکھ تینتالیس ہزار انڈر گریجویٹ اور دیگر پروگراموں کے لیے، اور تقریبا ایک لاکھ بیس ہزار اسکولی بچوں اور تجدید کے لیے مختص کیے گئے ہیں۔
سخت قواعد اور زبان
پوسٹ گریجویشن ورک پرمٹ کے قواعد اب پہلے سے زیادہ سخت ہو گئے ہیں۔ یونیورسٹی گریجویٹس کو اب کم از کم B2  سطح یا اس سے بلند انگریزی یا فرانسیسی زبان کے امتحان کی رپورٹ پیش کرنا ہوگی، جبکہ کالج گریجویٹس کے لیے B1 سطح لازمی ہے۔ اس کے علاوہ غیر منظور شدہ پروگرام میں تعلیم حاصل کرنے والے طلبہ اب ورک پرمٹ کے اہل نہیں ہوں گے۔ اوٹاوا نے اسٹوڈنٹ ڈائریکٹ اسٹریم کو بھی بند کر دیا ہے، جس کے تحت پہلے چودہ ممالک کے طلبہ بغیر مالی ثبوت کے تیزی سے ویزا حاصل کر سکتے تھے۔
ورک پرمٹ کی مسترہونے کی اہم وجوہات
امیگریشن، ریفیوجیز اینڈ سٹیزن شپ کینیڈا کے مطابق، پوسٹ گریجویشن ورک پرمٹ کی مستردی کی سب سے بڑی وجہ درخواست فارم میں دو اہم دستاویزات کا موجود نہ ہونا ہے، یعنی زبان کے امتحان کی رپورٹ اور تعلیمی شعبے کا ثبوت۔ ان دستاویزات کو درخواست میں درست جگہ پر اپ لوڈ نہ کرنا فارم کی مستردی کی بڑی وجہ بن رہا ہے۔
درست جگہ پر دستاویزات اپ لوڈ کرنا
امیگریشن، ریفیوجیز اینڈ سٹیزن شپ کینیڈا نے واضح کیا ہے کہ ان دونوں دستاویزات کو کلائنٹ انفارمیشن کے حصے میں اپ لوڈ کرنا ہوتا ہے۔ اس حصے میں صرف ایک ہی دستاویز اپ لوڈ کی جا سکتی ہے، اس لیے طلبہ کو ان دونوں دستاویزات کو ایک پی ڈی ایف میں ضم کر کے اپ لوڈ کرنا چاہیے۔