احمد آباد : وزیر اعظم نریندر مودی نے جمعرات کے روز ملک کے پہلے نائب وزیر اعظم سردار ولبھ بھائی پٹیل کو خراج تحسین پیش کیا ۔ سردار پٹیل کی آج 144 ویں جینتی ہے ، اس موقع پر وزیر اعظم مودی نے 'سٹیچیو آف یونٹی' پر پہنچ کر انہیں خراج تحسین پیش کیا ۔ بتا دیں کہ آج گجرات میں نرمدا ضلع کے کیوڑیا میں 'راشٹریہ ایکتا دوس' (قومی یکجہتی کا دن) پر کئی تقریب کا انعقاد کیا گیا ہے ۔
وزیر اعظم مودی 'ایکتا دوس پریڈ' میں بھی حصہ لیں گے ۔ وہیں اس سے پہلے صبح مرکزی وزیر داخلہ امت شاہ نے دہلی کے نیشنل سٹیڈیم میں رن فار یونٹی کو ہری جھنڈی دکھائی ہے ۔