دبئی : جمعہ کو دبئی ایئر شو میں مظاہرے کے دوران بڑا حادثہ پیش آیا۔ اس دوران ایک جہاز حادثے کا شکار ہوگیا۔ بھارتی ایچ اے ایل تیجس مقامی وقت کے مطابق دوپہر 2:10 بجے کے قریب پرواز بھرتے وقت حادثے کا شکار ہوگیا۔ یہ فوری طور پر واضح نہیں ہوسکا کہ پائلٹ باہر نکلا یا نہیں۔ اس دوران ایئر شو دیکھنے کے لیے عورتوں اور بچوں سمیت بھاری بھیڑ جمع ہوئی تھی۔
جہاز ہوا میں شاندار موڑ لے رہا تھا، اسی دوران اچانک قابو سے باہر ہوگیا۔ چند ہی سیکنڈوں میں تیجس نیچے جھکتا ہے اور سیدھا زمین سے ٹکرا گیا اور اس دوران زبردست دھماکہ دیکھا گیا۔ اس دوران اوپر سیاہ دھوئیں کا گہر غبار دیکھا گیا۔ سب سے بڑی تشویش پائلٹ کی حالت کو لے کر بنی ہوئی ہے۔ یہ واضح نہیں ہے کہ انہوں نے وقت رہتے ایجیکٹ کیا یا نہیں۔ دفاعی ذرائع کے مطابق اس معلومات کی تصدیق کی جا رہی ہے۔
دبئی ایئر شو دنیا کے اہم ایوی ایشن پروگراموں میں سے ایک ہے، جہاں دنیا بھر کی ایئر لائنز اور فوجی ساز و سامان بنانے والے اپنی ٹیکنالوجی دکھاتے ہیں۔ اس حادثے سے ایئر شو کی سکیورٹی پر سنگین سوال پیدا ہوئے ہیں۔ پروگرام کی جگہ پر ایمرجنسی فورسز فوراً تعینات کر دی گئی ہیں اور حادثے کی وجوہات کی جانچ کی جا رہی ہے۔