نیویارک: امریکہ کی فلوریڈا ریاست کے بریوارڈ کاو¿نٹی میں پیر کو نہایت خوفناک منظر دیکھنے کو ملا۔ انٹر اسٹیٹ-95 ہائی وے پر عام دن کی طرح ٹریفک چل رہا تھا کہ اچانک آسمان سے ایک چھوٹا پرائیویٹ طیارہ اچانک نیچے گرتا دکھائی دیا۔ چند ہی سیکنڈ میں طیارہ تیز رفتار سے چل رہی ایک ٹویوٹا کار پر آ گرا۔ اس حادثے کے بعد I-95 ہائی وے پر لمبے وقت تک ٹریفک سست رہا۔ ریسکیو ٹیمیں کار اور طیارے کے ملبے کو ہٹانے میں مصروف رہیں۔
مقامی انتظامیہ کا کہنا ہے کہ حادثہ اور بھی بڑا ہو سکتا تھا، لیکن قسمت سے ایک بڑی تباہی ٹل گئی۔ سوشل میڈیا پر وائرل ویڈیو میں صاف دیکھا جا سکتا ہے کہ کار ہائی وے پر آگے بڑھ رہی ہے، تبھی ایک ہلکا طیارہ کنٹرول کھو کر نیچے آتا ہے اور سیدھے کار کی چھت پر ٹکرا جاتا ہے۔ ٹکر اتنی زوردار تھی کہ کار گھوم کر سڑک پر دوڑتی رہی اور طیارہ آگے پھسلتے ہوئے گر پڑا۔ ٹویوٹا کار کو 57 سالہ خاتون چلا رہی تھیں۔
انہیں معمولی چوٹیں آئیں اور ہسپتال لے جایا گیا۔ ڈاکٹروں کے مطابق ان کی حالت پوری طرح مستحکم ہے۔ وہیں، صرف 27 سالہ پائلٹ اس خوفناک حادثے سے بغیر کسی سنگین چوٹ کے باہر نکل آیا۔ یہ کسی معجزے سے کم نہیں مانا جا رہا۔ فلوریڈا ہائی وے پیٹرول کا کہنا ہے کہ طیارے کو ایمرجنسی لینڈنگ کی ضرورت کیوں پڑی، یہ ابھی واضح نہیں ہے۔ ابتدائی تحقیقات میں انجن فیل ہونے یا کسی تکنیکی خرابی کا شبہ ظاہر کیا جا رہا ہے۔
ایک ماہر ٹیم کو موقع پر بھیجا گیا ہے، جو ملبے کی جانچ کر رہی ہے۔