نئی دہلی : نئے ٹریفک قوانین کی خلاف ورزی کرنے پر بڑی رقم کے جرمانے کو لے کر چھڑی بحث کے درمیان مرکزی وزیر ٹرانسپورٹ نتن گڈکری نے جمعرات کو کہا کہ جرمانے میں بھاری اضافے کا فیصلہ سرکاری خزانے کو بھرنے کیلئے نہیں بلکہ ٹریفک قوانین پر عمل ٹھیک سے عمل کرنے کے مقصد سے کیا گیا ہے ۔
سڑک حادثات میں ہوتی ہیں بڑی تعداد میں اموات
گڈکری نے انڈین آٹو موبائل مینوفیکچرز ( سیام) کے سالانہ اجلاس کے دوران ملک میں سڑک حادثات میں بڑی تعداد میں اموات کا ذکر کرتے ہوئے کہا کہ قانون پر عمل کرنا بہت ضروری ہے کیونکہ بڑی تعداد میں ایسے لوگ ہیں جن کے لئے سخت جرمانے کے بغیر ٹریفک قوانین کا کوئی مطلب ہی نہیں ہے ۔ ٹریفک قوانین کی خلاف ورزی کرنے پر جرمانے کی رقم میں کئی گنا اضافے کو جائز ٹھہراتے ہوئے گڈکری نے کہا کہ یہ فیصلہ بہت غور و خوض اور مختلف محکموں سے وسیع تبادلہ خیالات کے بعد ہی لیا گیا ہے ۔
لوگوں کے کٹ رہے ہیں بڑی رقم کے چالان :
غور طلب ہے کہ یکم ستمبر سے ملک میں ٹریفک قوانین کی خلاف ورزی کرنے پر جرمانے کی رقم میں بھاری اضافہ کیا گیا ہے اور اس پر کئی صوبوں نے عمل بھی شروع کردیا ہے ۔ بھونیشور میں بدھ کے روز ایک آٹو رکشا چالک پر مختلف دفعات کے تحت 47500 روپے کا جرمانہ کیا گیا ۔ ہریانہ کے گورو گرام میں بھی پولی سنے کئی لوگوں کے بڑی رقم کے چالان کاٹے ہیں ۔