جمہوریتوں سے توقع کی جاتی ہے کہ وہ محروم اور پسماندہ افراد کے لیے خدمات اور سہولیات تک رسائی کو یقینی بنانے کے لیے اعلی معیارات پر پورا اتریں گے۔ ہندوستان  میں یہ کسوٹی اور بھی سخت ہے۔ بغیر مقصد کے کوئی نعرہ اور  بغیر نتیجہ کے کوئی دعوی درست نہیں۔ حقیقی تبدیلی معاشرے کے آخری آدمی تک پہنچنی چاہیے، کیونکہ ہماری جمہوریت میں ووٹ انتیودیا (معاشرے کے آخری آدمی کی ترقی)کے لیے کیا جاتا  ہے۔ یہی وجہ ہے کہ مودی 3.0 کے ایک سال میں، دہلی، مہاراشٹر اور ہریانہ میں شاندار مینڈیٹ صرف سیاسی کامیابیاں نہیں ہیں، بلکہ وہ اس بات کی تصدیق کرتے ہیں کہ آج کے ہندوستان میں، اعتماد کام سے کمایا جاتا ہے، بیان بازی سے نہیں۔ 'انتیودیہ کے ذریعے سروودیہ'  کے فلسفے پر مبنی پروگرام اس بات کو یقینی بناتے ہیں کہ کوئی بھی ہندوستانی ملک کی ترقی میں پیچھے نہ رہے۔ 25 کروڑ سے زیادہ لوگوں کو غربت کی مختلف شکلوں سے نکالا گیا ہے۔ پردھان منتری کسان سمان ندھی (PM-KISAN) کے ذریعے 11 کروڑ سے زیادہ کسانوں کو 3.68  لاکھ کروڑ سے زیادہ کی رقم تقسیم کی گئی ہے۔ 'لکھ پتی دیدی'  پہل نے ایک کروڑ سے زیادہ دیہی خواتین کو سالانہ 1 لاکھ روپے سے زیادہ کی آمدنی حاصل کرنے کا اختیار دیا ہے۔ پردھان منتری آواس یوجنا کے تحت تقریبا 3 کروڑ مکانات کو منظوری دی گئی ہے۔
جل جیون مشن کے تحت 15.44 کروڑ سے زیادہ دیہی گھرانوں کو نل کے پانی کے کنکشن فراہم کیے گئے ہیں۔ آیوشمان بھارت پردھان منتری جن آروگیہ یوجنا (AB PM-JAY) کو وسعت دی گئی ہے تاکہ 70 سال اور اس سے زیادہ عمر کے تمام شہریوں کو ان کی آمدنی سے قطع نظر ہر سال 5 لاکھ روپے کا مفت ہیلتھ کوریج فراہم کیا جائے۔ اس سے تقریبا 6 کروڑ بزرگ شہریوں کو فائدہ پہنچنے کی امید ہے، انہیں جامع صحت کی دیکھ بھال اور مالی تحفظ فراہم کیا جائے گا۔ اس کے علاوہ، اسکیم کو وسعت دی گئی ہے تاکہ فرنٹ لائن کمیونٹی ہیلتھ ورکرز کو بھی شامل کیا جا سکے۔ یہ حیران کن اعداد و شمار محض اعداد و شمار نہیں ہیں بلکہ لاکھوں ہندوستانی گھرانوں میں تبدیلی کی کہانیاں ہیں۔
دہشت گردوں کے خلاف ہندوستان کی زیرو ٹالرنس پالیسی کے تئیں وزیر اعظم کا عزم پہلگام حملے کے بعد تیز ردعمل سے ظاہر ہوا، جہاں دہشت گردوں نے معصوم سیاحوں کو نشانہ بنایا۔ قوم نے اس نقصان پر سوگ منایا، لیکن متحد ہو کر آپریشن سندور کو درستگی اور تدبر کے ساتھ انجام دیا، دہشت گردی کے خلاف جنگ اور اپنے شہریوں کے تحفظ کے عزم کا اعادہ کیا۔ دنیا نے ہندوستانی دفاعی افواج کی تکنیکی اور تزویراتی برتری کا مشاہدہ کیا ہے، جسے وزیر اعظم مودی کی مضبوط اور فیصلہ کن قیادت کی حمایت حاصل ہے۔
مضبوط سیاسی ارادہ خود انحصاری کے لیے اسٹریٹجک سرمایہ کاری سے مماثل ہے۔ آپریشن سندور کے دوران ہندوستان کی بڑے پیمانے پر درستگی، جزوی طور پر، کئی سالوں تک مقامی دفاعی صلاحیت پر مسلسل توجہ مرکوز کرنے سے قابل ہوئی۔ 2014 کے بعد، ہندوستان کی دفاعی مینوفیکچرنگ تیزی سے جدید ہوئی ہے، برآمدات میں خاطر خواہ اضافہ ہوا ہے۔ یہ تبدیلی اچانک نہیں آئی ہے۔ خود انحصار ( Atmanirbhar )بھارت مشن کے تحت، دفاعی حصول کے طریقہ کار (DAP)، دفاعی پیداوار اور برآمدی فروغ کی پالیسی (DPEPP) اور بعض شعبوں کے لیے 100FDI  فیصد کھولنے جیسی بڑی اصلاحات نے گھریلو کمپنیوں کو پھلنے پھولنے میں مدد فراہم کی ہے۔
ڈرون اور اجزا کے لیے دو خصوصی PLI اسکیموں کے تعارف نے اگلی نسل کی اختراع کو مزید فروغ دیا ہے۔ آج ہندوستان کے ڈیزائن کردہ میزائل سسٹم، بکتر بند گاڑیاں اور بحری پلیٹ فارم نہ صرف ہماری فوجوں میں تعینات ہیں بلکہ 80 سے زیادہ ممالک کو برآمد بھی کیے گئے ہیں۔ اس نے ایک ایسے وقت میں ایک علاقائی سیکورٹی فراہم کنندہ کے طور پر ہندوستان کی شبیہ کو مضبوط کیا ہے جب قابل اعتماد دفاعی شراکت داروں پر عالمی اعتماد بہت زیادہ ہے۔
مینوفیکچرنگ اس وژن کے لیے مرکزی حیثیت رکھتی ہے۔ ہندوستان بڑی سرمایہ کاری اور سرکاری مراعات کی بدولت سیمی کنڈکٹر سیکٹر میں ترقی کر رہا ہے۔ ٹاٹا الیکٹرانکس آسام میں 27,000 کروڑ روپے کا سیمی کنڈکٹر اسمبلی اور ٹیسٹنگ پلانٹ بنا رہا ہے، جس کے 2025 کے وسط تک کام کرنے اور تقریبا 27,000 ملازمتیں پیدا کرنے کی امید ہے۔ دریں اثنا، HCL اور Foxconn کا 3,706 کروڑ کا مشترکہ منصوبہ جیور، اتر پردیش میں ایک سیمی کنڈکٹر یونٹ قائم کرنے کے لیے تیار ہے، جو ڈسپلے ڈرائیور چپس پر توجہ مرکوز کرے گا اور 2027 میں پیداوار شروع کرے گا۔
ہندوستان اب دنیا کا تیسرا سب سے بڑا اسٹارٹ اپ ایکو سسٹم ہے، جس میں 1.57 لاکھ سے زیادہ تسلیم شدہ اسٹارٹ اپس ہیں۔ ان میں 100 سے زیادہ  یویکارن اور 3,600 سے زیادہ ڈیپ ٹیک منصوبے شامل ہیں جو AI، بایوٹیک اور سیمی کنڈکٹرز پر مرکوز ہیں۔ صرف ہمارے خلائی شعبے نے 200 سے زیادہ اسٹارٹ اپس کا ظہور دیکھا ہے، جو ایک امید افزا اختراعی معیشت کے ابھرنے کا اشارہ ہے۔ اسٹارٹ اپ ایکو سسٹم نے پہلے ہی 17.2 لاکھ سے زیادہ براہ راست ملازمتیں پیدا کی ہیں اور مسئلہ حل کرنے والوں اور کاروباری افراد کی نئی نسل کو متاثر کیا ہے۔
دریں اثنا، ہندوستان آہستہ آہستہ دنیا کی سب سے زیادہ جڑی ہوئی جمہوریت کے طور پر ابھرا ہے۔ 80 کروڑ سے زیادہ انٹرنیٹ صارفین اور 136 کروڑ آدھار اندراج کے ساتھ، اس کے پاس دنیا کا سب سے بڑا ڈیجیٹل شناختی پروگرام ہے۔ اب ہمارے پاس عالمی ڈیجیٹل ادائیگیوں کا 46  فیصد حصہ ہے، جو UPI جیسے پلیٹ فارم پر مبنی ہے جس نے ہر ایک کے لیے مالی لین دین کو آسان بنا دیا ہے۔ ان نظاموں نے نہ صرف شہریوں کو بااختیار بنایا ہے بلکہ گورننس کو بھی ہوشیار، تیز تر اور شفاف بنایا ہے۔
ہماری حکومت کی فیصلہ سازی کی صلاحیت 25-2024 کے مرکزی بجٹ میں واضح طور پر نظر آتی ہے۔ کل اخراجات  44.6 لاکھ کروڑ مقرر کیے گئے ہیں،جس میں سرمایہ کے اخراجات میں 10 لاکھ کروڑ روپے کا بے مثال اضافہ کیا گیا۔  ٹیکس میں چھوٹ میں  کو بڑھایا گیا ، متوسط طبقے کے لیے ریبیٹ دوگنی کر دی گئی  ہے  اور لمبے وقت سے اسٹارٹ اپ کے لئے تشویش کا  موضوع رہے اینجل  ٹیکس کو ختم کردیا گیا ۔ یہ اصلاحات کھپت کو بڑھاتی ہیں، کاروبار کی حوصلہ افزائی کرتی ہیں اور ہندوستان کی طویل مدتی ترقی کے راستے کو مضبوط کرتی ہیں۔
 مودی کے 3.0 ایک سال مکمل ہونے پر، تبدیلی واضح  نظر آرہی ہے۔ سڑکیں، کارخانے اور سولر پینل صرف ترقی کی نشانیاں ہی نہیں، یہ امنگوں کی بنیاد ہیں۔ ہندوستان اقتصادی، سماجی اور تزویراتی سمیت ہر شعبے میں قومی تجدید کا ایک نیا باب لکھ رہا ہے۔ مینڈیٹ واضح ہے۔ بصارت برقرار ہے اور وزیر اعظم مودی کی قیادت میں فیصلہ کن دہائی اچھی طرح سے چل رہی ہے۔ تاریخ اس وقت کو صرف تیز رفتار ترقی کے مرحلے کے طور پر نہیں بلکہ ایک ایسے لمحے کے طور پر ریکارڈ کرے گی جب ہندوستان نے یقین کیا، تبدیل کیا اور قیادت کی۔