پٹیالہ : سینٹرل جیل پٹیالہ میں حوالاتی سے بدفعلی کرکے ویڈیو بنانے کا معاملہ سامنے آیا ہے ۔ اس معاملے میں تھانہ تریپڑی کی پولیس نے حوالاتی گورندر سنگھ ولد نرمل سنگھ ، قیدی وجے کمار ولد سریش کمار نواسی سینٹرل جیل پٹیالہ اور حوالاتی دلویر سنگھ ولد مختیار سنگھ نواسی سینٹرل جیل پٹیالہ کے خلاف کیس درج کرلیا ہے ۔ متاثر شخص بھی پہلے 377 آئی پی سی کے تحت معاملے کے چلتے جیل میں بند ہے ۔
متاثر شخص نے پولیس کو بتایا کہ وہ جیل کے احاطہ نمبر 5/6 بیرک نمبر 6/4 میں سویا ہوا تھا ۔ رات کو 11-12 بجے گورندر سنگھ اس کے پاس آگیا اور اسے ڈرا دھمکا کر اس کے ساتھ بدفعلی کی ۔ اس کے بعد 7 نومبر کو دوپہر 2 بجے گورندر سنگھ اسے ڈرا دھمکا کر باتھروم میں لے گیا ، جہاں وجے کمار بھی موجود تھا ۔ دونوں نے اس کے ساتھ پھر سے بدفعلی کیا اور دلویر سنگھ جو کہ اسے پہلے ہی ڈرا دھمکا رہا تھا نے اس کی ویڈیو بنا لی ۔ اس کے بعد اسے بدنام کرنے لگے ۔ متاثر شخص راجندرا ہسپتال میں داخل ہے ۔
اس معاملے میں ابھی پولیس نے کوئی گرفتاری نہیں کی ۔ اس کی تصدیق کرتے ہوئے ایس ایچ او تریپڑی ہرجندر سنگھ ڈھلوں نے بتایا کہ جلد ہی مذکورہ افراد کو پروڈکشن وارنٹ پر لا کر اس کیس میں ان کی گرفتاری کر پوچھ تاچھ کی جائے گی ۔
یہاں یہ قابل ذکر ہے کہ اس سے پہلے برجیش ٹھاکر کی طرف سے جیل سٹاف کی ملی بھگت کے ساتھ اس کے ساتھ غیر انسانی طریقے سے سیکس کرکے ویڈیو بنانے کا معاملہ بہت بڑی سطح پر ہائی لائٹ ہوا تھا ۔