مالیر کوٹلہ (ظہور): آج علی الصبح چار بجے کے قریب مالیر کوٹلہ کے مشہور میٹھائیوں کے شو روم 'جین سویٹس' کے مالک وجے کمار جین (40) نے اپنے لائسنسی ریوالور سے اپنی اہلیہ اور 13سالہ بیٹے کو گولی مار کر خود کو بھی گولی مارلی ہے ۔ بتایا جارہا ہے کہ وجے کمار نے یہ قدم گھریلو پریشانی کے چلتے اٹھایا ہے ۔
اس واردات میں وجے کمار جین اور اس کی اہلیہ آشو جین کی موقع پر ہی موت ہوگئی جبکہ ان کے بیٹے ساحل جین کو لدھیانہ کے ڈی ایم سے ہسپتال میں داخل کرایا گیا ہے جس کی حالت اب خطرے سے باہر بتائی جارہی ہے ۔
واردات کی اطلاع ملتے ہی موقع پر ڈی ایس پی سمت سودھ جائے واردات پر پہنچ گئے اور معاملے کی جانچ میں مصروف ہوگئے ۔