واشنگٹن: جیفری ایپسٹین (Jeffrey Epstein) کی فائلوں کے نئے دستاویزی انکشاف کے جاری ہونے کے بعد ایک بار پھر امریکی صدر ڈونالڈ ٹرمپ کا نام خبروں میں ہے۔ سوشل میڈیا پر ایک نجی ویڈیو وائرل ہوا ہے، جس میں دعوی کیا جا رہا ہے کہ ٹرمپ کم عمر لڑکیوں کے ساتھ پارٹی کر رہے ہیں۔ ویڈیو میں لڑکیوں کے مبینہ بیانات بھی دکھائے جا رہے ہیں، جن میں کچھ کی عمر 14 سے 16 سال بتائی جا رہی ہے۔ لیکن اس ویڈیو کا کوئی قابلِ اعتماد ذریعہ یا سرکاری تصدیق ابھی تک سامنے نہیں آئی، اس لیے اسے وائرل دعوی ہی مانا جا رہا ہے۔
ایپسٹین فائلوں میں ٹرمپ کا ذکر: نیا کیا سامنے آیا
امریکہ کے محکمہ انصاف نے 23 دسمبر 2025 کو تقریبا ً30 ہزار صفحات پر مشتمل نئے دستاویزات جاری کیے، جن میں ٹرمپ کا کئی جگہ ذکر ہے۔ ان دستاویزات میں ٹرمپ کے ایپسٹین کے نجی جیٹ پر سفر کرنے کا ریکارڈ اور کچھ دیگر حوالے شامل ہیں، لیکن محکمہ انصاف نے صاف کہا ہے کہ ٹرمپ کے خلاف کسی جرم کا ثبوت نہیں ملا اور کچھ دستاویزات میں جھوٹے اور سنسنی خیز دعوے بھی ہیں۔ محکمہ انصاف کے نئے دستاویزات میں ٹرمپ کا نام کئی جگہ نیوز کلپنگز( خبروں کی کٹنگز ) اور ای میلز میں آتا ہے۔ ایک اہم حقیقت یہ ہے کہ ایک وفاقی پراسیکیوٹر نے 2020 میں ایک ای میل میں لکھا کہ ٹرمپ نے 1993 سے 1996 کے درمیان ایپسٹین کے نجی طیارے پر کم از کم 8 پروازوں میں سفر کیا۔
ان میں کئی پروازوں میں ایپسٹین کی ساتھی گِزلین میکسویل بھی موجود تھی۔ محکمہ انصاف نے یہ بھی کہا کہ کچھ دستاویزات میں ٹرمپ کے خلاف جھوٹے دعوے تھے اور کچھ دستاویزات کی صداقت پر سوال اٹھتے ہیں۔ ٹرمپ نے اسے توجہ ہٹانے کی کوشش قرار دیا۔ ٹرمپ نے کہا کہ یہ سب ریپبلکن پارٹی کی کامیابی سے توجہ ہٹانے کی کوشش ہے۔ انہوں نے کہا کہ ایپسٹین کے ساتھ صرف تصویر میں نظر آنا یا کبھی ملنا کسی جرم کا ثبوت نہیں ہے۔
سوشل میڈیا پر وائرل ویڈیو کے بارے میں کیا کہا جا رہا ہے
ویڈیو وائرل ہونے کے بعد لوگوں نے تبصرے کیے، جیسے۔

• آپ اس سے کیوں ملے۔
• تب یہ کوئی مسئلہ نہیں تھا۔
• آپ نے مزہ لیا، اب مظلوم مت بنو۔
• وہ اب بھی صدر ہیں۔