ابو دھابی : انڈین پریمیر لیگ (آئی پی ایل)کے افتتاحی میچ میںکولکتہ نائٹ رائیڈرز (کے کے آر)کے کپتان دنیش کارتک کے منصوبوں پر تنقید کی گئی تھی جو ہفتہ کو یہاں سن رائزرس حیدرآباد کے خلاف میچ میں ٹیم کی جیت کا آغاز کرنا چاہیںگے۔ کے کے آر کی ٹیم نے پچھلے سیزن کے مقابلے میں بہت سی تبدیلیاں کیں لیکن بدھ کو ممبئی انڈینز کے خلاف ان کے منصوبے کو دیکھ کر ایسا لگتا تھا کہ کارتک نے پچھلی غلطیوں سے سبق نہیں لیا ہے۔
ممبئی انڈینز کے خلاف میچ 49 رنز سے ہارنے کے بعد ، بلے باز  آندرے رسل کے بیٹنگ آرڈر پر ایک بار پھر سوالات اٹھائے گئے۔ جمیکا کا یہ  بلے باز ، جنہوں نے 249 گیندوں میں 249 کے قریب 205 کے اسٹرائک ریٹ سے سب سے زیادہ 510 رن بنائے ، چھٹی پوزیشن پر بیٹنگ کے لئے اترا، جب ٹیم  کے لئے کافی مشکلات پیدا ہو گئی تھیں۔ ورلڈ کپ کے فاتح کپتان ایون مورگن بھی زیادہ کام نہیں کرسکے کیونکہ جب وہ بیٹنگ کے لئے آئے تو ٹیم کو فی اوور میں 13 رنز بنانے تھے۔
بولنگ میں بھی سپنر سنیل نارائن کو   دیر سے بولنگ کرنے کے کارتک کے فیصلے  کو تنقید کا نشانہ بنایا گیا ہے۔ جب نارائن بولنگ کرنے آئے تھے تب روہت شرما نے تال حاصل کرلیا تھا۔  کوچ برینڈن میک کولم جو جارحانہ کرکٹ کے لئے جانے جاتے  ہیں کا کھیل کوئی فائدہ نہیں پہنچا سکا ۔  سن رائزرس حیدرآباد  کی ٹیم   نے پہلے میچ  میںکارکردگی کا مظاہرہ نہیں کیا۔ ٹیم کا مڈل آرڈر رائل چیلنجرز بنگلور کے خلاف بری طرح بکھر گیا۔ آخری پانچ اوورز میں  ٹیم کو جیتنے کے لئے 43 رنز درکار تھے لیکن وہ صرف 32 رنز ہی بنا سکی اور 7 وکٹوں کے نقصان پر 10 رنز سے میچ ہار گئی۔
ٹیم کے لئے ایک اور بری خبر یہ تھی کہ آل راؤنڈر مشل مارش چوٹ کی وجہ سے ٹورنامنٹ سے باہر ہوگئے تھے۔ آخری میچ میں رن آؤٹ ہونے والے کپتان ڈیوڈ وارنر اس بار بیٹ سے خود کو ثابت کرنا چاہیں گے ، پھر یہ دیکھنا دلچسپ ہوگا کہ کین ولیمسن انجری سے واپس آئے ہیں یا نہیں۔ ان کی آمد سے ٹیم کا مڈل آرڈر مضبوط ہوگا۔ سن رائزرس کی بولنگ ہمیشہ سے متاثر کن رہی ہے اور ایسا لگتا ہے کہ اس میچ میں افغانستان کے محمد نبی کو ہم وطن راشد خان کے ساتھ سپن  بولنگ سنبھالنے کا موقع مل سکتا ہے۔ بھونیشور کمار تیزبالنگ کی قیادت کریں گے۔
کولکتہ نائیٹ رائیڈرز:دنیش کارتک (کپتان) ، ایون مورگن ، نتیش رانا ، راہل ترپاٹھی ، رنکو سنگھ ، شبھمن گل ، سدھیش لاڈ ، علی خان ، کملیش ناگرکوٹی ، کلدیپ یادو ، لاکی فرگسن ، پیٹ کمنز ، مشہور کرشنا ، سندیپ واریر ، شوم ماوی ، ورون چکرورتی ، آندرے رسل ، کرس گرین ، ایم سدھارتھ ، سنیل نارائن ، نکھل نائک ، ٹام بینٹن۔
سن رائیزرز حیدرآباد:ڈیوڈ وارنر (کپتان) ، جانی بیئرسٹو ، کین ولیمسن ، منیش پانڈے ، سریواٹس گوسوامی ، ویرات سنگھ ، پریم گرگ ، وریدھیمان ساہا ، عبد الصمد ، وجے شنکر ، محمد نبی ، راشد خان ، ابھیشیک شرما ، بی سندیپ ، سنجے یادو ، فیبین ایلن ، بھونیشور کمار ، خلیل احمد ، سندیپ شرما ، شہباز ندیم ، سدھارتھ کول ، بلی اسٹینلاک ، ٹی نٹراجن ، باسل تھامپی۔