ٹوکیو:جاپان کے جنوب مغرب حصے میں طوفان ’تپاہ‘ کی وجہ سے کم از کم 204 پروازیں منسوخ کر دی گئیں اور 33000 گھروں کی بجلی بھی کاٹ دی گئی ہے۔
مقامی میڈیا نے ہفتہ کو بتایا کہ صوبہ اوکی ناوا میں تیز ہواؤں کی وجہ سے 33000 گھروں کی بجلی پہلے ہی کاٹی جا چکی ہے۔

انہوں نے بتایا کہ تپاہ طوفان کے سبب اس وقت 78 میل فی گھنٹے کی رفتار سے ہوائیں چل رہی ہیں۔طوفان فی الحال اوکی ناوا کے جنوبی علاقے میں ہے اور اس کے جاپان کے مغربی کنارے اور جزیرہ نما کوریا کے ساحل سے ٹکرانے کی امید ظاہر کی جا رہی ہے۔