اسلام آباد: انڈونیشیا کے صدر پروبوو سوبیانتو دو طرفہ تعلقات کو مضبوط کرنے اور تعاون کے نئے راستے تلاش کرنے کے لیے اپنے پہلے دو روزہ پاکستان کے دورے پر پیر کو یہاں پہنچے۔ پاکستان کے صدر آصف علی زرداری اور وزیراعظم شہباز شریف نے نور خان ایئربیس پر سوبیانتو کا استقبال کیا۔ سرکاری ’ریڈیو پاکستان‘ کے مطابق انڈونیشیا کے صدر کے ساتھ اہم وزیروں اور سینئر حکام پر مشتمل ایک اعلیٰ سطحی وفد بھی آیا ہے۔ ان کا یہ دورہ پاکستان اور انڈونیشیا کے درمیان سفارتی تعلقات کے قیام کی 75ویں سالگرہ کے موقع پر ہو رہا ہے۔

انڈونیشئن صدر۔۔۔پاکستان آمد
انڈونیشیاکے صدرپرابووو سوبیانتو پاکستان کے 2روزہ دورے پر اسلام آباد پہنچ گئے pic.twitter.com/qFzD0U3bil

— Ahsan Mehmood (@AhsanMe33850833) December 8, 2025

وزارتِ خارجہ کے مطابق صدر سوبیانتو وزیراعظم شہباز کے ساتھ وفدی سطح کی بات چیت کریں گے۔ وہ صدر زرداری سے بھی ملاقات کریں گے۔ اس کے علاوہ آرمی چیف اور دفاعی سربراہ، فیلڈ مارشل عاصم منیر بھی صدر سوبیانتو سے ملاقات کریں گے۔ دونوں فریق پاکستان۔انڈونیشیا تعلقات کو مزید مضبوط کرنے اور تجارت، سرمایہ کاری، دفاع، صحت، آئی ٹی، ماحولیات، تعلیم اور ثقافت سمیت تعاون کے نئے راستے تلاش کرنے کے ساتھ ساتھ علاقائی اور عالمی سطح پر تعاون بڑھانے کے مقصد سے ایک جامع ایجنڈے پر بات چیت کریں گے۔ اس دورے کے دوران کئی مفاہمت ناموں پر دستخط ہونے کی توقع ہے۔ اس سے پہلے، سال 2018 میں انڈونیشیا کے اس وقت کے صدر جوکو ویڈوڈو نے پاکستان کا دورہ کیا تھا۔