لندن: برطانیہ حکومت نے پابندی شدہ خالصتانی دہشت گرد تنظیم ببر خالصہ اور اس سے جڑے شدت پسند نیٹ ورک پر سخت پابندیوں کا اعلان کیا ہے جس کا بھارت نے خیرمقدم کیا ہے۔ وزارتِ خارجہ (MEA) نے اسے دہشت گردی اور غیر قانونی مالی سرگرمیوں کے خلاف عالمی لڑائی میں ایک اہم قدم قرار دیا۔ MEA کے ترجمان رندھیر جےسوال نے ہفتہ وار پریس بریفنگ میں کہا کہ لندن کی جانب سے اٹھایا گیا یہ قدم ان افراد اور تنظیموں کو نشانہ بناتا ہے جو بھارت مخالف انتہاپسندانہ سرگرمیوں میں ملوث ہیں۔ انہوں نے کہا ”یوکے حکومت کی جانب سے اٹھائے گئے قدم عالمی دہشت گردی، انتہاپسندی اور غیر قانونی مالی بہاو کو روکنے میں اہم کردار ادا کریں گے۔ ایسے افراد صرف بھارت اور یوکے کے لیے ہی نہیں، بلکہ پوری دنیا کے لیے خطرہ ہیں۔
بھارت نے کہا کہ وہ یوکے کے ساتھ کاونٹر۔ٹیررازم تعاون کو مزید مضبوط کرنے کی سمت میں مل کر کام کرے گا۔ یوکے حکومت نے گزشتہ ہفتے خالصتانی انتہاپسند گروہوں کے فنڈنگ نیٹ ورک کو توڑنے کے لیے کئی سخت اقدامات کیے۔ ببر خالصہ سے وابستہ گرپریت سنگھ ریہال کے اثاثوں کو منجمد کر دیا گیا۔ ریہال پر ڈائریکٹر ڈس کوالیفیکیشن لگایا گیا۔ ببر اخالی لہر کے خلاف بھی اثاثے منجمد کرنے کا حکم جاری کیا گیا۔ یوکے ٹریڑری کے مطابق ریہال اور اس کے نیٹ ورک پر الزام ہے کہ وہ دہشت گردی کو فروغ دینے، بھرتی کی سرگرمیاں چلانے، ہتھیاروں اور فوجی سامان خریدنے، مالی خدمات اور معاونت فراہم کرنے جیسی سرگرمیوں میں شامل تھے۔