جموں : پاکستانی فوج نے بدھ کے روز جموں کشمیر میں ایل او سی ( لائن آف کنٹرول) کے نزدیک پونچھ ضلع میں گولی باری کر جنگ بندی کی خلاف ورزی کی ۔ پاکستان کی جانب سے دیر رات پونچھ کے دیگبار سیکٹر میں مورٹار داغے گئے اور گولی باری بھی کی ۔ پاکستان کی حرکت کا ہندوستانی فوج نے منہ توڑ جواب دیا ۔ ہندوستانی فوج نے جوابی فائرنگ کارروائی کرتے ہوئے پاکستانی فوجی کو مار گرایا جبکہ 7 پاکستانی فوجی زخمی ہوگئے ۔ پاکستان فوج کے تین پوسٹ بھی تباہ ہوگئے ہیں ۔
سکیورٹی فورسز کے مطابق جموں کشمیر کے پونچھ سیکٹر میں پاکستان کی جانب سے مسلسل ہندوستانی فوج کو نشانہ بناتے ہوئے فائرنگ کی جارہی تھی ۔ بدھ کے روز دیر رات بھی پاکستان کی جانب سے فائرنگ کی گئی ۔ جس کے بعد ہندوستانی فوج نے بھی پاکستان کے چرکُٹ سیکٹر کے براہ علاقے میں پاکستان کی تین پوسٹوں کو تباہ کردیا ۔ جوابی کارروائی میں پاکستان کے ایک فوجی کی موت ہوگئی جبکہ سات زخمی ہوگئے ۔
بتایا جاتا ہے کہ ہندوستانی فوج نے پاکستان کے پوسٹ کے ساتھ بروہ سیکٹر میں گولا بارود روکھنے والی پوسٹ کو بھی تباہ کردیا ہے ۔ غور طلب ہے کہ اسی علاقے سے پاکستانی فوج گذشتہ 3 دنوں سے لگاتار ہندوستانی فوج کی چوکیوں پر گولے داغ رہی تھی ۔