سرینگر : جموں کشمیر کے اننت ناگ کے پاس جموں - سرینگر شاہراہ پر جمعرات صبح سکیورٹی فورسز نے آئی ای ڈی برآمد کیا ۔ آئی ای ڈی ملنے کے بعد ہائی وے پر ٹریفک کو روک دیا گیا ہے اور اسے ناکارہ کرنے کیلئے اینٹی بم سکویڈ کو بلایا گیا ۔ آئی ای ڈی کو وقت رہتے ناکارہ کردیا گیا جس کے چلتے بڑا حادثے ہونے سے ٹل گیا ۔
اس سے پہلے منگل کے روز بھی جموں - پونچھ نیشنل ہائی وے پر ایک آئی ای ڈی دھماکہ خیز مواد ملا تھا جسے ناکارہ کردیا گیا تھا ۔ بتا دیں کہ کچھ دن پہلے ہی جموں کشمیر کے پلّنوالا سیکٹر میں ایل او سی کے پاس ایک آئی ای ڈی دھماکہ ہوا تھا ۔ اس میں فوج کا ایک جوان شہید ہوگیا تھا جبکہ دو جوان زخمی ہوئے تھے ۔