ترنتارن : ناجائز تعلقات کے بارے میں شوہر کو پتہ چلنے پر گذشتہ سال خاتون نے 2 ساتھیوں کے ساتھ شوہر کا قتل کر ہریکے دریا میں پھینک دیا تھا ۔ اس سے متعلق گھر والوں کی شکایت پر تھانہ صدر پٹی کی پولیس نے کیس درج کر الزام بیوی مندیپ کور اور گوروندر سنگھ کو قابو کرلیا ، جبکہ تیسرا ملزم ورندر سنگھ فرار ہے ۔ اہلیہ نے محبوب اور اس کے ساتھی سے مل کر پہلے شوہر کا اغوا کیا پھر نشے کی اوور ڈوز دیکر مارنے کی کوشش کی ، جب وہ نہیں مرا تو اسے داتر سے کاٹ دیا گیا ۔
پولیس نے ملزمین سے قتل میں استعمال کیا گیا داتر ، متوفی کا پرس ، شناختی کارڈ ، انگوٹھی اور چاندی کا کپڑا برآمد کرلیا ۔ ایس پی ( آئی ) جگجیت سنگھ والیہ نے بتایا کہ بیوی کے ناجائز تعلقات کا پتہ لگنے کے بعد شوہر سونا سنگھ گذشتہ سال غائب ہوگیا تھا ، جس کی کافی تلاش کی گئی لیکن وہ نہیں ملا ۔ اس کے بعد گھر والوں کو شک ہوا کہ مندیپ کور نے ہی ورندر سنگھ کے ساتھ اسے گاؤں سبھرا سے اغوا کر کوئی نشیلی چیز سنگھا دی تھی ، جس کے بعد قتل کردیا ۔
پولیس کی جانب سے ملزمین سے پوچھ تاچھ کید وران یہ بھی پتہ چلا کہ قتل میں گوروندر سنگھ بیٹے دیوان سنگھ نواسی کرتووال نے بھی ساتھ دیا تھا ۔ پوچھ تاچھ میں ملزم مندیپ کور نے بتایا کہ اس نے دونوں ملزمین کے ساتھ بیوی شوہر سونا سنگھ کا داتر سے گلا کاٹ دیا تھا ، پھر اس کی لاش خرد - برد کرنے کیلئے ہریکے دریا میں پھینک دی تھی ۔ اس کے بعد اس نے متوفی کا پرس اور شناختی کارڈ کرتووال کی جھاڑیوں میں چھپا دیا تھا ۔