ودیشا: مدھیہ پردیش کے ودیشا ضلع ہیڈکوارٹر پر ہوم گارڈ جوان گزشتہ تین ماہ سے تنخواہ نہ ملنے کا الزام لگاتے ہوئے احتجاج کا سلسلہ برقرار رکھے ہوئے ہیں ۔ہوم گارڈ جوانوں کا کہنا ہے کہ گزشتہ تین ماہ سے تنخواہ نہ ملنے کی وجہ سے ان کے اہل خانہ کے سامنے روزی روٹی کا بحران پیدا ہو گیا ہے ۔
انہوں نے علامتی احتجاج کرتے ہوئے گزشتہ روز دھن تیرس کے موقع پر یہاں ضلع ہیڈکوارٹر کے میوزیم میں واقع بھگوان کبیر کی مورتی کے سامنے اپنی عرضی پیش کرتے ہوئے رکی ہوئی تنخواہیں دلانے کی مانگ کی ۔ تنخواہ نہ ملنے سے مشتعل ہوم گارڈ جوانوں کا کہنا ہے کہ وہ تنخواہ سے متعلق مانگ کے سلسلہ میں اپنی عرضی کلکٹر اور پولیس سپرنٹنڈنٹ سمیت تمام متعلقہ حکام کو دے چکے ہیں ۔ انہوں نے مطالبہ کیا ہے کہ ان کی رکی ہوئی تنخواہ فوری طورمہیا کرائی جائے ۔