سپورٹس ڈیسک: ٹیم انڈیا سے باہر چل رہے سٹار آل راؤنڈر کھلاڑی ہاردک پانڈیا نے آخر کار ماڈل اور اداکارہ نتاشا سٹینکووک کے ساتھ اپنے رشتے کا اعتراف لیا ہے۔ ہاردک نے سوشل میڈیا پر نتاشا کے ساتھ کچھ تصویریں شیئر کی ہیں، جن میں نتاشا سگائی کی انگوٹھی پہنے نظر آرہی ہیں۔وہی ہاردک کی سگائی کی یہ خبر سن کر کرکٹ کی دنیا کے مداح بھی کافی حیران ہوئے ہیں۔ایسے میں ٹیم انڈیا کے کپتان وراٹ کوہلی نے پانڈیا کے پوسٹ پر حیرت انگیز تبصرہ کیا ہے۔
دراصل، کوہلی نے اپنے انسٹاگرام اکاؤ نٹ سے ہاردک پانڈیا کے پوسٹ پر تبصرہ کرتے ہوئے لکھاکہ ' مبارک ہو،کیا سرپرائز ہے،دونوں کو نیک خواہشات' ۔جس کے بعد مداحوںنے بھی پانڈیا کی پوسٹ پر کئی ردعمل دئیے ۔وہیں ایک مداح نے تبصرہ کرتے ہوئے لکھا، سر یہ توچھپا رستم نکلا۔ بتا دیں کہ ہاردک نے مذکورہ پوسٹ میں تین تصاویر اور ایک ویڈیو شیئر کی ہیں۔
https://www.instagram.com/p/B6xwZuKAvFg/?utm_source=ig_embed&utm_campaign=loading
غور طلب ہے کہ پانڈیا نے نتاشا کو ایک بوٹ ٹرپ پر پر پوزکیا ہے۔اس دوران کشتی پر گلوکاروں کی ایک ٹولی بھی تھی جوکہ ہاردک اور نتاشا کے لئے گانے، نغمے گا رہے تھے ۔
چوٹ کی وجہ سے فی الحال ٹیم سے باہر چل رہے ہاردک پانڈیا اب اپنی فٹنس حاصل کرنے کی پوری کوشش کر رہے ہیں۔ جس کی وجہ سے انہیں انڈیا اے ٹیم کے ساتھ نیوزی لینڈ کے دورے پر بھی ٹیم میں منتخب کیا گیا ہے۔ جس کے بعد وہ سینئر ٹیم کے ساتھ بھی نیوزی لینڈ کے خلاف کھیلتے ہوئے نظر آ سکتے ہیں۔