بٹالہ: گورداسپور ضلع کے بٹالہ  میں واقع ایک پٹاکہ فیکٹری میں دھماکہ ہوگیا۔ اس دھماکے میں اب تک 17 لوگوں کے مارے جانے کی خبر ہے۔ حالانکہ کی اس کی ابھی انتظامیہ کی جانب سے تصدیق نہیں ہوپائی ہے۔ 

بتایا جارہا ہے کہ فیکٹری کے آس پاس کی عمارتوں میں 50 سے زیادہ لوگ پھنسے ہوئے ہیں۔ جنہیں باہر نکالنے کا کام جاری ہے  اور زخمیوں کو علاج کیلئے ہسپتال پہنچایا جارہا ہے۔ 

جانکاری کے مطابق اس دھماکے کے ساتھ آس پاس کی آدھا درجن کے قریب عمارتیں ملبے میں تبدیل ہوگئی اور نزدیک کھڑی کئی کاریں بھی پوری طرح سے تباہ ہوگئیں۔ اس دھماکے کی وجہ سے فیکٹری کا ملبہ کافی دور تک جا کر گرا۔ خبر لکھے جانے تک پٹاخہ فیکٹری میں مزید چھوٹے چھوٹے دھماکے ہورہے تھے۔ 

پولیس اور ڈیزاسٹر مینمنٹ کی ٹیمیں موقع پر روانہ ہوگئی ہیں۔ یہاں یہ بتانا ضروری ہے کہ لگ بھگ دو تین سال پہلے بھی اس فیکٹری میں دھماکہ ہوا تھا لیکن انتظامیہ نے اس فیکٹری کو رہائشی علاقے سے باہر نکالنے کیلئے کوئی ضروری اقدامات نہیں اٹھائے، جس کا خمیازہ آج بٹالہ شہریوں اپنی جان گنوا کر بھگتنا پڑ رہا ہے۔