عصمت دری پوری دنیا کا مسئلہ ہے۔ دنیا میں جتنے معاملے درج ہوتے ہیں ان نتائج کے مطابق دنیا کی 35 فیصد خواتین اپنی زندگی میں جنسی تشدد کا سامنا کرتی ہیں۔ورلڈ پاپولیشن ریویو کے مطابق چونکہ زیادہ تر خواتین اس طرح کے معاملات میں شکایت نہیں کرتیں، اس لئے عصمت دری کے صحیح اعداد و شمار بتا پانا آسان نہیں ہے۔یہ زیادہ بھی ہو سکتے ہیں۔
70 فیصد مقدمات میں بلاتکاری جاننے والے
امریکہ میں درج مقدمات سے یہ نتیجہ سامنے آیا ہے کہ 70 فیصد معاملات میں بلاتکاری عورت کا جاننے والا ہی ہوتا ہے۔امریکہ میں فی لاکھ آبادی پر 27 سے زیادہ عصمت دری کے معاملے درج ہوتے ہیں۔عصمت دری کے لئے بدنام ممالک کی فہرست میں امریکہ 13 ویں نمبر پر ہے۔قانون اتنا لچر ہے کہ صرف 9 فیصد ملزم ہی قصوروار ٹھہرائے جاتے ہیں اور ان میں سے صرف 3 فیصد ہی ایک دن جیل میں گزارتے ہیں۔امریکہ میں 97 فیصد بلاتکاری آزاد گھومتے ہیں۔
16 سے 19 کی عمر میں سب سے زیادہ خطرہ
اس عمر کی لڑکیوں کو بلاتکاری آسان شکار سمجھتے ہیں۔پاپولیشن ریویو کے مطابق اس عمر میں ہونے والے عصمت دری کے معاملے چار گنا زیادہ ہیں۔اس کے بعد 18-24 سال کی عمر میں یہ تین گنا زیادہ ہے۔ہجڑا لوگ بھی جنسی تشدد اور عصمت دری کا شکار زیادہ ہوتے ہیں۔ان کے لئے اس کا خدشہ دوگنا رہتا ہے-
بھارت میں ہر سال 7200 نا بالغ بنتی ہیں شکار
عصمت دری کے لئے بدنام ممالک کی فہرست میں بھارت 91 ویں نمبر پر ہے۔فی ایک لاکھ آبادی میں بھارت میں 1.8 عصمت دری کے معاملے درج ہوئے ہیں۔ہیومن رائٹ واچ پروجیکٹ کے ایک سروے کے مطابق بھارت میں ہر سال 7200 سے زیادہ نابالغ لڑکیاں عصمت دری کا شکار ہوتی ہیں۔نیشنل کرائم ریکارڈ بیورو کے 2017 کے اعداد و شمار کے مطابق بھارت میں خواتین کے خلاف جتنے بھی جرائم ہوئے ان میں 10 فیصد سے زیادہ عصمت دری کے معاملے ہیں۔اس سال عصمت دری کے 46984 معاملے سامنے آئے، جن میں سے 86 فیصد میں چارج شیٹ ہوئی۔ 32 فیصد مقدمات میں سزا ہوئی۔
ایک نظر
- 97 فیصد بلاتکاریو ں کو امریکہ میں کبھی سزا نہیں ملتی
- 30 فیصد بلاتکاری جیل میں گزارتے ہیں ایک دن
- 40 فیصد خواتین ہی عصمت دری کے بعد مانگتی ہیں مدد
- 10 فیصد خواتین ہی قانونی مدد لے پاتی ہیں
جنوبی افریقہ سب سے بدنام
2018-19 میں فی لاکھ آبادی پر دنیا میں سب سے زیادہ عصمت دری کے معاملے جنوبی افریقہ میں سامنے آئے ہیں۔یہاں ہر ایک لاکھ آبادی پر 132 سے زیاد عصمت دری کے معاملے درج ہوئے ہیں۔