لندن: امریکہ کے صدر ڈونالڈ ٹرمپ تین روزہ برطانیہ دورے پر ہیں اور ہمیشہ کی طرح اس بار بھی ان کے ساتھ ہے ان کی ہائی ٹیک لیموزین  'دی بیسٹ'۔ یہ کار ایک بار پھر چرچا میں ہے اور اس کی وجہ ہے اس کی بے جوڑ حفاظتی صلاحیتیں اور فوجی سطح کی ٹیکنالوجی۔
کیا ہے 'دی بیسٹ'؟
'دی بیسٹ' امریکہ کے صدر کے لیے بنائی گئی ایک خصوصی کیڈیلاک لیموزین ہے، جسے عام طور پر "چلتا پھرتا بنکر" کہا جاتا ہے۔ یہ دنیا کی سب سے محفوظ کاروں میں سے ایک مانی جاتی ہے۔ اس کی حفاظتی خصوصیات اتنی جدید ہیں کہ یہ کیمیکل، حیاتیاتی اور دھماکہ خیز حملوں تک کو جھیل سکتی ہے۔

اہم خصوصیات اور حفاظتی آلات
خصوصیت      تفصیل
وزن  -    تقریبا 9072 کلوگرام (20,000 پاؤنڈ)
قیمت  -    تقریبا 1.5 ملین ڈالر (تقریبا 12.5 کروڑ INR)
رفتار  -    0 سے 100 کلومیٹر/گھنٹہ کی رفتار صرف 15 سیکنڈ میں پکڑ لیتی ہے
سواری کی صلاحیت -   7 لوگ
باڈی آرمر-       8 انچ موٹا کوچ (بکتر)، جو بلیٹ( گولی) ، گرینیڈ، اور IED حملوں سے بچاؤ کرتا ہے
کھڑکیاں-     3 انچ موٹی بلٹ پروف کھڑکیاں
ٹائر    -   بلٹ پروف اور رن-فلیٹ ٹیکنالوجی سے لیس؛ دھماکے کے بعد بھی چلنے کے قابل
رات میں دیکھنا   -       نائٹ ویژن سسٹم
ہنگامہ کنٹرول  -      آنسو گیس لانچر، دھوئیں کی اسکرین اور برقی ہینڈلز
ہتھیار  -        شاٹ گن، راکٹ گرینیڈ، آئل اسکلز
زندگی بچانے والے آلات  -      آکسیجن ٹینک، صدر کے بلڈ گروپ کا خون، میڈیکل کٹ
ایٹمی کوڈ کی سہولت  -     ایمرجنسی میں صدر ایٹمی کوڈ کا آپریشن یہیں سے کر سکتے ہیں
کیسے بنی یہ کار؟
'دی بیسٹ' کو امریکی گاڑی ساز جنرل موٹرز کی لگژری برانڈ کیڈیلاک کے ذریعے بنایا گیا ہے۔ اس کا بیس ماڈل کیڈیلاک XT6 سے متاثر ہے، لیکن اس کا انجن، ڈھانچہ اور ٹیکنالوجیز مکمل طور پر کسٹمائزڈ ہیں۔ اس کا پہلا ورژن سال 2009 میں اس وقت کے صدر براک اوباما کے لیے لانچ کیا گیا تھا۔ بعد میں 2018 میں ڈونالڈ ٹرمپ کے دور میں اس کا ایک اور جدید ماڈل تیار کیا گیا، جسے انہوں نے پہلی بار نیویارک میں استعمال کیا تھا۔

کیوں کہا جاتا ہے اسے 'چلتا پھرتا قلعہ؟
یہ کار صرف ایک گاڑی نہیں، بلکہ ایک موبائل کمانڈ سینٹر ہے۔ اس کی تعمیر کچھ اس طرح کی گئی ہے کہ کسی بھی ہنگامی صورتحال میں صدر محفوظ رہیں اور ضروری فیصلے لے سکیں۔ کار کے اندر ایک سیٹلائٹ کمیونیکیشن سسٹم ہوتا ہے جو صدر کو دنیا کے کسی بھی کونے سے رابطے میں رکھتا ہے۔
امریکی صدر کی پہچان
'دی بیسٹ' صرف حفاظت کی علامت نہیں، بلکہ امریکی طاقت اور اقتدار کی علامت بھی ہے۔ جب بھی یہ کار دنیا کے کسی ملک میں اترتی ہے، وہاں امریکی صدر کی موجودگی اور ان کی طاقت کا احساس خود بخود ہو جاتا ہے۔

برطانیہ میں ٹرمپ کے ساتھ 'دی بیسٹ'
برطانیہ میں اپنے دورے کے دوران ڈونالڈ ٹرمپ اپنی اہلیہ میلانیا ٹرمپ کے ساتھ اس خصوصی لیموزین میں سفر کر رہے ہیں۔ سیکیورٹی ایجنسیوں کے مطابق، پورے روٹ پر 'دی بیسٹ' کو سخت نگرانی اور حفاظتی گھیرے میں رکھا گیا ہے۔