ٹوکیو : جاپان میں طوفان ہگی بس کی وجہ سے مرنے والوں کی تعداد بڑھ کر 70 ہو گئی ہے اور 200 سے زیادہ زخمی ہیں جبکہ 13 لوگ ابھی بھی لاپتہ ہیں ۔ مقامی میڈیا رپورٹروں نے منگل کے روز یہ جانکاری دی ۔ ملک کی تاریخ میں سب سے خطرناک طوفانوں میں شمار ہگی بس کی وجہ سے مرنے والوں کی تعداد اور زیادہ ہونے کا خدشہ ظاہر کیا جارہا ہے ۔
خطرناک طوفان کے ساتھ موسلا دھار بارش اور تیز ہواؤں نے چاروں جانب تباہی پھیلادی ہے ۔ پورے ملک کی ندیاں اپنی سطح سے اوپر بہہ رہی ہیں ۔ این ایچ کے کے مطابق 37 ندیوں پر بنے باندھ تباہ ہوگئے ہیں جبکہ 16 جاپانی صوبوں میں 161 ندیوں کے سیلاب کا سامنا کرنا پڑا ۔
