انٹرنیشنل ڈیسک: کیلیفورنیا میں رہنے والے  ہندوستانی تارکین وطن کے لیے یہ دیوالی دوہری خوشی لے کر آئی ہے۔ امریکہ کے کیلیفورنیا ریاست کے گورنر نے دیوالی کو سرکاری تعطیل قرار دے دیا ہے جو اس تہوار کی عالمی اہمیت کو ظاہر کرتا ہے۔
دیوالی کی بڑھتی ہوئی عالمی اہمیت 
صرف  ہندوستان  ہی نہیں بلکہ اب دیوالی بین الاقوامی تہوار بننے کی جانب تیزی سے بڑھ رہا ہے۔ دنیا بھر میں بڑی تعداد میں ہندوستانی  تارکین وطن رہتے ہیں اور ان کمیونٹیز کی فعال شرکت سے یہ تہوار اب بیرون ملک بھی بڑے جوش و خروش کے ساتھ منایا جاتا ہے۔ کیلیفورنیا کا یہ فیصلہ اسی عالمی شناخت کی سمت ایک اہم قدم ہے۔
کیلیفورنیا کے ہندوستانیوں  کے لیے بڑی راحت
امریکہ میں  ہندوستانی نژاد لوگوں کی بڑی آبادی ہے اور کیلیفورنیا جیسے ریاستوں میں ان کی تعداد خاص طور پر زیادہ ہے۔ طویل عرصے سے یہاں کے ہندوستانی معاشرے کی طرف سے یہ مطالبہ کیا جا رہا تھا کہ دیوالی کے دن انہیں اپنی ثقافت اور روایات کے مطابق سرکاری چھٹی دی جائے۔ اب سرکاری تعطیل قرار دیے جانے کے بعد کیلیفورنیا میں رہنے والے  ہندوستانی  نژاد ملازمین اور طلبا ء بغیر کسی مشکل کے روشنی کے اس تہوار کو پوری عقیدت اور خوشی کے ساتھ منا سکیں گے۔ اس اعلان سے وہاں کے  ہندوستان معاشرے میں خوشی کی لہر دوڑ گئی ہے۔
یہ قدم ہندوستانی  ثقافت اور تہواروں کے تئیں بین الاقوامی سطح پر بڑھتے ہوئے احترام اور قبولیت کو بھی ظاہر کرتا ہے۔