ممبئی: ٹوکیو اولمپکس 2020 میں ہندوستان کے لیے کافی خوشی سے بھرپور رہا۔ پہلے پہلوان بجرنگ پونیا نے کانسی کا تمغہ جیت کر دل جیت لیا۔وہیں نیرج چوپڑہ نے جیولن تھرو میں ہندوستان کوپہلا طلائی تمغہ جیت کر دلایاہے۔
اس کے ساتھ نیرج چوپڑہ نے تاریخ رقم کی ہے۔یہ فتح صرف نیرج چوپڑہ کی نہیں بلکہ پورے ہندوستان کی ہوئی ہے۔ پہلا گولڈ جیتنے کے بعد پورا ملک جشن منا رہا ہے۔ نیرج چوپڑہ کو ان کی جیت پر ہندوستانی مبارکباد دے رہے ہیں۔ اس کے ساتھ ہی بالی وڈ کے ستاروں نے بھی ان کے لیے نیک خواہشات کا اظہار کیا ہے۔
اداکار ابھیشیک بچن نے بھی اپنے انسٹاگرام اسٹوری پر نیرج چوپڑہ کی ایک تصویر شیئر کی ہے اورلکھا ہے مبارکباد ہو۔
اجے دیوگن نے ٹویٹ کیا اور لکھا ، نیرج چوپڑہ کو ٹوکیو اولمپکس میں آپ کی جیت پر مبارکباد۔ آپ کو مزید طاقت! آپ نے اپنے والدین اور ہندوستان کے پرچم کو قابل فخر بنایا ہے۔ میں آپ کو نہیں بتا سکتا کہ میں کتنا خوش ہوں۔ یہ حیرت انگیز ہے۔
.اداکار سنیل گروور نے ٹویٹ کیا اور لکھا - نیرج نام ہے میرا ، نیرج چوپڑہ۔
اکشے کمار نے بھی نیزر چوپڑہ کو مبارکباد دی ہے ، انہوں نے لکھا کہ یہ گولڈ فرسٹ پوزیشن میڈل ہے۔ تاریخ رقم کرنے پر نیرج چوپڑہ کو دلی مبارکباد۔ آپ خوشی کے ایک ارب آنسوں کے ذمہ دار ہیں۔ بہت شاندار۔
بالی وڈ اداکارہ کنگنا راناوت نے انسٹاگرام اسٹوری پر نیرج چوپڑہ کی ایک تصویر شیئر کی اور لکھا - کیا بولوں نیرج نشبد ہوں میں ،دھنے ہیںآپ کے والدین اور ملک کو مبارک ہو۔اس کے علاوہ تاپسی پنو ، سورا بھاسکر ، رتیش دیشمکھ ، ابھیشیک بچن ، راہل بوس ، مدھر بھنڈارکر ، وکی بھگنانی ، ہیما مالنی ، منیشا لامبا، نیہا دھوپیا ، مندرا بیدی ، انیل کپور سمیت تمام سیلیبرٹیزنے مبار ک دی ہے۔ ستاروں کے ٹویٹس اور پوسٹس دیکھیں۔