نیویارک: الاسکا کے 'ڈینالی نیشنل پارک اینڈ پریزرو' میں ایک ناقابل رسائی راستے پر چڑھتے ہوئے تقریباً 300 میٹر (تقریباً 1000 فٹ) کی بلندی سے گرنے والے کوہ پیما کی لاش ہفتے کے روز برآمد کر لی گئی۔ پارک حکام نے ایک بیان میں کہا کہ نیویارک کے رہائشی 52 سالہ روبی میکس جمعرات کو 2,560 میٹر اونچے ماو¿نٹ جانسن پر چڑھتے ہوئے گرنے کے بعد زخموں کی تاب نہ لاتے ہوئے چل بسے، ۔

کیلیفورنیا کی ایک 30 سالہ خاتون جو اس کے ساتھ چڑھ رہی تھی اس حادثے میں شدید زخمی ہو گئی تھی اور اسے جمعہ کو اینکریج کے ایک ہسپتال میں ہوائی جہاز سے لے جایا گیا تھا۔ بیان کے مطابق ایک اور کوہ پیمائی گروپ نے دونوں کو گرتے دیکھا تھا اور جمعرات کی رات انہیں اطلاع دی تھی۔ وہ اس مقام پر اترے جہاں کوہ پیما گرے تھے اور ایک کی موت کی تصدیق کی۔ بتایا جاتا ہے کہ جمعہ کی صبح ایک ہیلی کاپٹر اور دو کوہ پیما رینجرز نے زخمی کوہ پیما کو بچایا۔ انہوں نے ہفتہ کی صبح میکس کی لاش برآمد کی۔