نئی دہلی: بی جے پی کی دہلی یونٹ کے صدر منوج تیواری نے منگل کو کہا کہ وزیر اعلیٰ اروند کیجریوال کے پانی کے معیار کو لے کر کئے گئے دعوے کی سچائی جاننے کے لئے ان کی پارٹی نے حقیقی جانچ پڑتال کی ہے۔
تیواری نے پریس کانفرنس میں کہا، ہم ان تمام جگہوں پر پانی کے معیار سے متعلق شکایت کا پتہ لگانے گئے جہاں کیجریوال نے دعویٰ کیا تھا کہ ان کی حکومت نے گزشتہ چار سال میں پانی اور سیور کی نئی پائپ لائن بچھائی ہے۔پریس کانفرنس میں انہوں نے راول نگر، سنت نگر اور براڑی جیسے علاقوں میں پانی کے معیار کو لے کر شکایت کر رہے لوگوں کے ویڈیو کلپ بھی دکھائے۔
